Forcat ruse braktisin pozicionet e tyre strategjike në Bakhmut, ushtarët e Putinit filmohen duke ikur nga fushëbeteja

Bazuar në video të ndryshme, forcat ruse janë detyruar të bëjnë tërheqje nga fushëbeteja në Bakhmut, pikërisht të njëjtën ditë ku Putin u detyrua të kufizojë paradën ushtarake për shkak të humbjeve të mëdha që i ka pësuar ushtria e tij në luftën në Ukrainë.

Një video konfirmon se forcat e rregullta të Vladimir Putinit kthehen dhe vrapojnë nga kishin ardhur, derisa Ukraina është duke fituar terren në qytetin që prej muajsh rusët po tentojnë të avancojnë, transmeton Telegrafi.

Pamjet tregojnë forcat ruse duke u arratisur nga fushëbeteja në lindje të qytetit, pasi ishin rrethuar nga pjesëtarët e brigadës së tretë të ushtrisë ukrainase.

Kjo ishte konfirmuar edhe i pari i grupit mercenar rus Wagner, Yevgeny Prigozhin, i cili vazhdimisht kritikon performancën e dobët të ushtrisë ruse, në veçanti eprorët e lartë që nuk kanë treguar as edhe një sukses në beteja.

Lexo po ashtu Britania e Madhe do të shpallë zyrtarisht grupin mercenar rus Wagner, si një organizatë terroriste

Videoja e tërheqjes së trupave ruse u publikuar në të gjitha rrjetet sociale, pikërisht në ditën kur në Sheshin e Kuq të Moskës, Putinit mbante fjalim para trupave të tij.

Ukraina pretendon se ka eliminuar 64 ushtarë rusë dhe 87 tjerë ka plagosur, derisa ka sekuestruar shumë armë të rënda në Bakhmut.

Sipas Institutit amerikan për Studimin e Luftës, Prigozhin pretendon se brigada e 72-të e motorizuar e ushtrisë ruse ka braktisur pozicionet strategjike, ku si pasojë 500 pjesëtarë të Wagnerit janë vrarë. /Telegrafi/