Fansi i zjarrtë i Bebe Rexhës, bën tatuazh portretin e këngëtares në krahun e tij

Artistja shqiptare me famë ndërkombëtare, Bebe Rexha, është e pëlqyer nga miliona njerëz në mbarë botën për muzikën e saj.

Si rrjedhojë, ajo numëron fansa të shumtë dhe plot 10 milionë është numri i tyre vetëm në rrjetin social Instagram.

Në këtë të fundit, Rexha shpesh ndan me ndjekësit fotografi dhe video nga jeta e përditshme, duke e qenë sa më e hapur me ndjekësit e saj.

Së fundmi, këngëtarja me prejardhje nga Dibra publikoi në rrjetin social Instagram një fotografi të një fansi të zjarrtë të saj, i cili në krah kishte realizuar tatuazh portretin e këngëtares.

Bëhet fjalë për një fotografi të Bebe Rexhës të realizuar shumë vite më parë, teksa në ballin e saj si shtojcë, fansi ka vizatuar edhe një kryq.

https://www.instagram.com/p/B6CSpvBFYyR/

“O Zoti im, një dedikim i vërtetë”, ka shkruar 30-vjeçarja në mbishkrimin e fotografisë, duke lënë kështu të kuptohet se është fascionuar nga ajo çfarë fansi i saj ka bërë për të.

Lexo po ashtu Speciale: Vizita e Bebe Rexhës në Shqipëri - Nga iniciativa për të ndihmuar vendin amtar, dëshira për ta vizituar Kosovën e deri te krenaria e një ylli botëror me origjinën e saj

Bebe Rexha ndërkohë vetëm para dy javësh erdhi në Shqipëri, për të vizituar disa familje të prekura nga tërmeti, ku u premtoi dy prej tyre edhe rindërtimin e shtëpisë. /Telegrafi/