“Është e pashmangshme”, ushtarët ukrainas presin për një sulm për të cilin janë të sigurt se do të ndodhë

Rreth 450 metra larg separatistëve të mbështetur nga Rusia, një grup ushtarësh ukrainas presin për një luftë që është e sigurt se do të vijë.

Dhe burrat janë çuditërisht të relaksuar për të gjitha, sipas fotografit Timothy Fadek, i cili kaloi kohë me ushtarët të premten në vijat e frontit në rajonin lindor të Ukrainës, Luhansk, raporton CNN, përcjell Telegrafi.

“Ata kanë përqafuar pashmangshmërinë”, tha Fadek. “Po flisja me një nga ushtarët dhe ai tha: ‘Është e pashmangshme. Ne e kemi pranuar këtë pashmangshmëri të një sulmi’. Dhe pastaj pati një grindje të vogël mes dy ushtarëve. Njëri tha: ‘Rusët nuk do të kalojnë kufirin, ata do të sulmojnë nga deti’, domethënë nga deti i Azov. Një tjetër ushtar nuk u pajtua me të dyja këto vlerësimet dhe tha, ‘Jo, sulmi do të vijë nga Bjellorusia’”.

Mirëpo ndonëse ata mund të mos pajtohen se nga do të vijë një sulm, të gjithë janë 100 për qind të bindur se do të ndodhë.

“Ata më janë pajtuar”, tha Fadek. “Por ata janë jashtëzakonisht të relaksuar. Nuk ka asnjë shenjë nervozizmi në fytyrat e tyre. Ata janë gati të luftojnë. Ata kanë qenë gati për shumë vite tani. Ata nuk duan. Unë i pyeta ata, ‘A e doni këtë luftë?’ Dhe ata thonë: ‘Sigurisht që jo.’ “.

Tensionet midis Ukrainës dhe Rusisë janë në nivelin më të lartë në vite, me një grumbullim të trupave ruse pranë kufirit që nxit frikën se Moska së shpejti mund të nisë një pushtim. Kremlini ka mohuar se po planifikon të sulmojë, duke argumentuar se mbështetja e NATO-s për Ukrainën përbën një kërcënim në rritje në krahun perëndimor të Rusisë.

Në Muratova, një qytet ukrainas rreth 20 minuta me makinë nga vijat e frontit, njerëzit janë shumë më nervozë se ushtarët, tha Fadek. Por edhe ata duket se i janë dorëzuar fatit të tyre.

Kur u pyet se çfarë mendon për mundësinë e një sulmi, një fermer ngriti supet.

“Kjo do të ndodhë”, tha ai, “por askush nuk mund të bëjë asgjë për ta ndaluar atë”. /Telegrafi/