“Epoka e shpenzimit të pa konsideratë të parave të qytetarëve përfundoi me largimin e OBRM-PDUKM-së nga pushteti”

LSDM reagoi me një kumtesë ndaj deklaratës së OBRM-PDUKM-së, në lidhje me aktivitete të caktuara të Ministrisë për transport dhe lidhje, përcjell Telegrafi Maqedoni.

“Me një frikë gjithnjë e më të dukshme nga humbja e sigurt në zgjedhjet lokale, OBRM-PDUKM vazhdon në bazë ditore të shpërndajë gënjeshtra”, thuhet në reagimin e LSDM-së.

Nga LSDM thonë se Ministria e transportit dhe lidhjeve që udhëhiqet nga kuadër i kësaj partie, plotësisht demanton gënjeshtrat e OBRM-PDUKM-së.

“Epoka e shpenzimeve pa konsideratë të parave të qytetarëve për darka të shtrenjta, qëndrime në hotele dhe sendeve tjera personale ka përfunduar me largimin nga pushteti i Nikolla Gruevskit dhe OBRM-PDUKM”, thonë nga LSDM.

Për dallim nga koha e OBRM-PDUKM, në kohën tonë institucionet shtetërore sot punojnë në mënyrë të përgjegjshme, me llogaridhënie dhe në mënyrë profesionale dhe paratë e qytetarëve përdoren për paga më të larta, ndihmë më të madhe për bujqit dhe ndërmarrjet në vend”, përfundon reagimi i LSDM./Telegrafi/