Emina Cunmulaj zbulon jetën reale, por tregon edhe se çfarë fshihet pas asaj të rrjeteve sociale

Emina Cunmulaj gjatë javëve të kaluara ka qëndruar në shtetin e Kosovës, ku ka marrë pjesë në një konferencë rreth iniciativave të saj bamirëse të cilat i ndërmerr tash e sa kohë për familjet e varfra të Shqipërisë.

Ajo është një nga ata personazhe që nuk nguron asnjëherë të tregojë jetën e saj në rrjetet sociale.

Pa asnjë kompleks modelja ndan shpesh me ndjekësit në Instagram momente nga jeta e saj e përditshme.

Zeshkania së fundi po qëndron për pushime në plazhet fantastike të Monacos së bashku me bashkëshortin dhe dy vajzat, Ellan dhe Mian.

“Jeta reale dhe ajo e Instagram-it”, shkruan Emina në një imazh të publikuar në llogarinë personale në Instagram.

Në pjesën e parë të fotos ajo tregon se si vajzat e saj luajnë me trëndafilat dhe Eminës i duhet të kujdeset për to. Ndërsa në pjesën e dytë ajo tregon jetën ‘perfekte’ të Instagramit, një vajzë të ëmbël që zgjohet në mesin e trëndafilave.

Lexo po ashtu Emina Çunmulaj vjen në Kosovë, mban konferencë për filantropi

Ndryshe, Emina tash e sa kohë është shkëputur prej botës së modës duke u përqendruar në rritjen e dy vajzave. /Telegrafi/