Emërohen ndihmëstrajnerët e përfaqësueses së Kosovës

Pas emërimit të përzgjedhësit të ri të Kosovës, Damir Mulaomerovic dhe Drejtorit të Përfaqësueseve, Granit Rugova, tashmë janë emëruar edhe ndihmëstrajnerët e Përfaqësueses së Kosovës.

Bujar Loci, ish-basketbollist dhe trajner shumëvjeçar është emëruar ndihmëstrajner i parë i përzgjedhësit Damir Mulaomerovic, ndërsa pas tij është Ilir Selmani, po ashtu ish-basketbollist dhe aktualisht trajner, si dhe Andin Rashica, i cili edhe më parë ka qenë pjesë e Përfaqësueses së Kosovës.

Trajner kondicional i Përfaqësueses do të vazhdoj të jetë Ugur Vural, i cili vjen nga Turqia.

Lexo po ashtu Biografia e Damir Mulaomerovic, përzgjedhësit të Përfaqësues së Kosovës në basketboll

Mulaomerovic do të nis punën me Përfaqësuesen e Kosovës që nga data 29 gusht, kur edhe do të filloj përgatitjet për ndeshjen kundër Maqedonisë që do të zhvillohet në Prishtinë më 13 shtator në kuadër të FIBA Eurobasket 2021 Pre-Qualifiers.

Ndërkaq Përfaqësuesja e Kosovës pritet të grumbullohet që nga java e ardhshme, ku stërvitjet do të udhëhiqen nga ndihmëstrajnerët.

Lista e lojtarëve që do të grumbullohen me Përfaqësuesen e Kosovës do të publikohet deri në fund të kësaj jave nga përzgjedhësi Damir Mulaomerovic dhe Drejtori i Përfaqësueses, Granit Rugova. /Telegrafi/