El Clasico që mund të vendosë kampionin do të luhet jashtë Spanjës?

Barcelona e mposhti Real Madridin 4-0 dhe 5-2 në dy El Clasicot e mëparshme në kampionat dhe Superkupë të Spanjës.

Ata duhet të luajnë në raundin e 35-të të La Ligës më 11 maj në Barcelonë – nëse shorti nuk i takon më herët në Kupën e Spanjës ose në Ligën e Kampionëve.

El Clasico e majit mund të vendosë gjithashtu titullin kampion.

Tifozëve në Spanjë sigurisht që nuk do të kënaqen me informacionin e lëshuar nga portali Ser Catalunya se Barcelona po mendon ta transferojë këtë ndeshje jashtë vendit nëse rinovimi i Camp Nou nuk përfundon deri në atë datë.

Nuk do të ishte El Clasico i parë zyrtar që do të luhej jashtë Spanjës.

Prej vitesh në Arabinë Saudite mbahet Superkupa e Spanjës, e cila bleu mikpritësin dhjetëvjeçar nga Federata Spanjolle e Futbollit për një shumë të madhe parash.

Ky vendim zemëroi shumë tifozë në Spanjë, dhe tani ka mundësi që edhe një El Clasico e kampionatit të “largohet” nga vendi.

Barcelona ka siguruar 1.5 miliard euro për rinovimin e stadiumit të saj Camp Nou. Kapaciteti i vendeve në stadiumin më të madh evropian rritet nga 99,300 në 105,000.

Përveç stadiumit po rinovohen edhe objektet e tjera të klubit.

Midis tyre është Palau Blaugrana, shtëpia e klubeve të basketbollit dhe hendbollit, dhe stadiumi Johan Cruyff, ku luajnë ekipet rezervë dhe të femrave, po rinovohet gjithashtu. /Telegrafi/