Ekskluzive: Mësohet arsyeja pse Aro Muric nuk u stërvit me Kosovën, megjithatë pritet të jetë në portë ndaj Rumanisë

Përfaqësuesja e Kosovës ka mbajtur stërvitjen e fundit para përballjes me Rumaninë të martën mbrëma me fillim nga ora 20:45.

Megjithatë vetëm portieri Arijanet Muric nuk ka stërvitur në stadiumin Arena Nacionala në Bukuresht në stërvitjen e fundit që ka mbajtur Kosova.

Muric është padiskutim portieri më i mirë që ka Kosova dhe një nga më të rëndësishmit e trajnerit Primoz Gliha.

Telegrafi merr vesh edhe arsyen se pse Muric nuk ka stërvitur sot dhe nuk ka të bëjë me ndonjë lëndim.

24-vjeçari ka qenë i sëmurë dhe ka pasur temperaturë dhe për këtë arsyeje së bashku me stafin teknik është vendosur që ai mos të stërvitet ditën e sotme.

Gjithsesi Telegrafi merr vesh brenda burimeve në kampin e Përfaqësueses  së Kosovës se nuk bëhet fjalë për diçka serioze dhe se Aro Muric pritet të jetë titullar ditën e nesërme.

Lexo po ashtu Gliha: Do të japim gjithçka për fitore, por Rumania është favorit - Rrahmani dhe Krasniqi më informuan për kundërshtarin

Trajneri Primoz Gliha nuk ka dashur të rrezikojë me portierin shtatlartë dhe për këtë arsyeje së bashku me stafin kanë vendosur që ai të mos stërvitet ditën e sotme.

Aro pritet të jetë në portë nëse gjendja e tij vazhdon të jetë stabile dhe nëse nuk përkeqësohet.

Muric është pjesë e Kosovës që nga viti 2018 derisa deri më tani ka zhvilluar 33 ndeshje me fanellën dardane. /Telegrafi/