E quajti Ronaldon ‘mashkullin e ëndrrave’ derisa ekspozonte stolitë – fansat e kritikojnë Georginan duke i thënë se i do milionat e tij më shumë

Georgina Rodriguez ia ka dedikuar postimin e fundit në rrjetet sociale partnerit të saj, Cristiano Ronaldo.

Bukuroshja publikoi fotografi nga aeroplani privat, një selfie me syperyllin portugez dhe një tjetër imazh nga një veturë.

“Para disa ditësh me mashkullin e ëndrrave të mia”, ishte përshkrimi që zgjodhi Georgina, ndërsa futbollisti ia ktheu me simbolin e ‘zemrës’.

Fansa të shumtë reaguan në komente duke i quajtur si çiftin më të mirë të ditëve të sotme.

Lexo po ashtu “Njeriu i ëndrrave të mia” - Georgina Rodriguez duket e lumtur në krahët e Cristiano Ronaldos në imazhet e radhës nga avioni privat

“A ka çift më të bukur? Për shkakun tënd kam pritshmëri të mëdha në dashuri”; “E bukur”; “Ti je e mrekullueshme”; “Më pëlqen pamja jote e zakonshme” – ishin disa prej komenteve të ndjekësve.

Megjithatë, edhe pse Georgina shfaqej me një fustan të thjeshtë dhe atlete, me të cilat rrallëherë shfaqet në publik, vëmendjen e morën stolitë e shtrenjta që shiheshin në çdo fotografi dhe disa e kritikuan për këtë.

“Mos u shqetëso, i shohim stolit”; “Le të jenë stolitë në plan të parë”, “Mashkulli i ëndrrave të saj? Mendoj se në radhë të parë janë diamantet”; “Kjo më duket më shumë si një reklamë ore”; “Georgina, bëhu e sinqertë. I do milionat e tij dhe kjo shihet qartë në këto fotografi” – ishin disa prej reagimeve. /Telegrafi/