Dua Lipa shfaqet me fustan neoni në New York, merr vëmendje me stilin e veçantë

Ajo aktualisht është duke udhëtuar nëpër botë me turneun e saj botëror “Future Nostalgia”.

Dhe Dua Lipa ktheu kokën teksa u largua nga apartamenti i saj në New York për në Madison Square Gardens të martën përpara koncertit të radhës në kuadër të turneut të saj.

Këngëtarja 26 vjeçe, dukej e pabesueshme e veshur me një fustan neoni, me një prerje në mes që nxirrte në pah barkun e saj të tonifikuar, shkruan DailyMail.

Fustani i saj në stilin e këmishës ngjitej për figurën e saj trupore, ndërsa kishte një rrip në mes.

Dua e ka kombinuar veshjen e saj me atlete shumëngjyrëshe dhe i mbajti gjërat e nevojshme në një çantë dore me dizajn të çuditshëm në ngjyrat e kaltër dhe gjelbër.

Ajo mbante një kapele bejsbolli ngjyrë bezhë në kokë dhe i mbronte sytë nga dielli me një palë syze të errëta me kornizë të gjelbër.

Lipa i la flokët e saj të zeza që të binin të lirshme mbi shpinën e saj dhe e përfundoi pamjen e saj me një buzëkuq rozë.

Dua hyri në Instagram për të publikuar disa fotografi me veshjen e çuditshme.

Dua më parë njoftoi se do të nisë një turne në mbështetje të albumit të saj “Future Nostalgia”, i cili u publikua në vitin 2020.

Turneu fillimisht ishte caktuar të zhvillohej vetëm në vende në mbarë Mbretërinë e Bashkuar dhe Evropë.

Megjithatë, këngëtarja u detyrua të shtyjë të gjitha datat në turneun e saj për shkak të fillimit të pandemisë globale dy vjet më parë.

Dua më vonë njoftoi se po planifikonte ta realizonte turneun në mbarë botën.

Seria e shfaqjeve u riplanifikua më pas për të filluar në janar të vitit të kaluar, megjithëse asaj iu desh të shtynte fillimin e turneut edhe një herë si rezultat i gjendjes së vazhdueshme të emergjencës COVID-19.

Ajo vazhdoi të mbajë një koncert virtual të quajtur Studio 2054 në nëntor të 2020-ës dhe produksioni u prit mirë nga kritikët e muzikës.

Disa shtyrje të tjera të turneut ndodhën përpara se të konfirmohej përfundimisht se seria e koncerteve do të fillonte këtë muaj.

Datat shtesë iu shtuan produksionit për të kompensuar kohën e humbur dhe një pjesë e tërë e turneut ishte planifikuar të zhvillohej në Australi dhe Zelandën e Re.

Emra të tillë si: Megan Thee Stallion, Tove Lo dhe Caroline Polachek po e shoqërojnë gjithashtu artisten në turneun e saj.

Pas muajsh planifikimi, “Future Nostalgia” filloi zyrtarisht në fillim të këtij muaji me një koncert në FTX Arena në Miami.

Kjo vjen pasi Dua u nda nga kompania e menaxhimit që e ndihmoi atë të shndërrohej në një sensacion global, pas një mosmarrëveshjeje për të ardhurat.

Dua, e cila nënshkroi kontratë me kompaninë Tap Management me qendër në Londër në vitin 2013, i habiti shefat e saj muajin e kaluar kur tha se nuk donte më që ata ta përfaqësonin atë.

Burimet e industrisë së muzikës thonë se largimi i saj është i lidhur me përqindjen e fitimeve që ajo merr nga regjistrimet dhe marrëveshjet komerciale të negociuara në emër të saj nga Tap Management. /Telegrafi/