Dua Lipa pozon për “British Vogue”, njofton lansimin e Service95

Dua Lipa ka njoftuar lansimin e ardhshëm të Service95, një buletin javor, faqe interneti dhe podcast që do të ftoi fansat në botën e saj.

“Me punën time, unë jam gjithmonë si, ‘OK, çfarë është më pas?”, tha Dua Lipa në kopertinën e saj të “Vogue” në fillim të këtij viti. Në këtë rast, ajo që vjen më pas është Service95, një zgjerim i madh i markës Dua.

“Kam ëndërruar për këtë për kaq shumë kohë. Është një hobi im i madh, gjithmonë kam bërë lista me detyrim për gjithçka: vendet e mia të preferuara për të ngrënë, vendet e mia të preferuara për të qëndruar. Sinqerisht, nëse do t’ju tregoja aplikacionin notes në telefonin tim tan”, thotë këngëtarja në “Vogue” për platformën e saj të re.

Në fakt, kjo është pikërisht ajo që Dua po bën me Service95, një buletin javor me rekomandime të kuruara personalisht nga vetë ylli i muzikës pop – nga hoteli i saj i preferuar në Paris, tek lista e këngëve që ajo bën për t’u dëgjuar gjatë fluturimit për në shtëpi.

“Të gjithë miqtë dhe familja ime, kudo që udhëtojnë në botë edhe nëse janë atje vetëm për një natë –më dërgojnë mesazhe për të pyetur se çfarë duhet të bëjnë. Unë jam personi i tyre i parë që kërkojnë për rekomandime”, ka thënë këngëtarja.

Service95 do t’u lejojë atyre që janë jashtë rrethit të brendshëm të Duas të kenë të njëjtat njohuri të brendshme që ajo ka marrë si një nga yjet më të mëdhenj dhe që ka udhëtuat më së shumti në botë.

Projekti duket si një evolucion i natyrshëm i llogarisë së Duas në Instagram, ku rreth 75 milionë ndjekës përcjell çdo lëvizje të artistes.

Megjithatë, nuk është e gjitha ushqimi dhe moda. Dua, do të përdorë gjithashtu Service95 për të vënë në pah figura frymëzuese dhe temat me ndikimi në botë që ajo është e zëshme për to.

“Për të rinjtë, shikimi i lajmeve mund të jetë mjaft intensiv. Ju dëshironi të ndihmoni, por nuk dini si të ndihmoni. Unë dua të ndihmoj t’u jap të rinjve mjetet për të bërë një ndryshim”, tha 26-vjeçarja.

Projekti do të përfshijë gjithashtu një podcast, në shërbimin tuaj, me një përzierje të ftuarish, duke përfshirë aktivistë në bazë, si dhe miq të famshëm të Duas.

“Është shumë interesante të jesh në anën tjetër të intervistës. Të gjithë të ftuarit me të cilët po flas kanë histori shumë frymëzuese dhe shpresojmë se si dëgjues do të mësoni diçka për veten tuaj”, ka vazhduar tutje Lipa.

Si i tillë, abonentët mund të presin me padurim një përzierje të kuruar me mjeshtëri të pjesëve të mendimit, këshillave për udhëtime, si dhe njohuri mbi jetën e Dua-s, që do të futen në kutinë e tyre hyrëse çdo javë.

“Do të ketë shumë zëra të ndryshëm, artikuj interesantë dhe shënime të mia personal për atë që kam bërë dhe çfarë kam zbuluar”, shpjegon këngëtarja.

Projekti i pasionuar vjen pas debutimit të Duas në pistën në Javën e Modës në Milano, ku ajo hapi shfaqjen e Versace-s për pranverë/verë 2022 dhe këngës së saj “Cold Heart”, një bashkëpunim me Elton John.

Service95 do të lansohet në fillim të vitit 2022, pikërisht kur ajo përgatitet të nisë turneun e saj botëror “Future Nostalgia”.

“Jam çmendurisht organizative. Unë planifikoj çdo gjë të vogël, pothuajse deri në minutë të fundit. Sidomos sepse jam shumë e zënë, përpiqem të shfrytëzoj sa më shumë kohën time – përndryshe ndihem sikur më mungon diçka”, deklaroi këngëtarja.

Me Service95, ajo shpreson të ndihmojë ndjekësit e saj të bëjnë të njëjtën gjë.

“Unë dua të jem në gjendje të përjetoj gjëra. Nuk dua të shkoj në një qytet të mrekullueshëm dhe të qëndroj brenda hotelit tim, pastaj të largohem dhe thjesht të them që kam qenë atje. Kjo ka qenë gjithmonë një gjë masive për mua. Pavarësisht se çfarë, përpiqem të bëj diçka argëtuese”, përfundoi krijuesja e hitit “Levitating”. /Telegrafi/

View this post on Instagram

A post shared by DUA LIPA (@dualipa)