Dua Lipa mbulon gjoksin e saj në imazhet e reja, ku shfaqet me bluzë transparente

Dua Lipa dukej sensacionale teksa pozoi për një serë fotografish mahnitëse që ndau me ndjekësit në Instagram në prag të përfundimit të vitit.

Këngëtarja, 26 vjeçe, shfaqi figurën e saj të pabesueshme të trupit, teksa veshi një bluzë të zezë transparente së bashku me një palë pantallona të ngjashme.

Interpretuesja e hitit “New Rules” shtrëngoi belin e saj me një rrip të zi, ndërsa flokët e saj brune i kishte lënë të lëshuara në valë të lirshme, shkruan DailyMail.

Në një fotografi tjetër, Dua tregoi figurën magjepsëse të trupit në një bluzë të zezë me një dekolte të hapur, ndërsa po përgatitej për të marrë pjesë në një fotosesion për “Yves Saint Laurent”.

Me një makijazh të lehtë në fytyrë, ylli u mbështjellë për mbrëmjen me një pallto të zezë të mbushur.

Krahas postimit, Dua shkroi: “Duke e mbyllur vitin në rrezet e diellit me familjen time YSL Beauty, mezi pres që të gjithë ta shihni këtë”.

Së fundmi u zbulua se kënga e Duas, “Levitating”, ishte kënga më e mirë e Billboard në listën e 100 këngëve më të dëgjuara të vitit 2021.

Dua e ka festuar arritjen e saj duke shpërndarë disa fotografi të listës vjetore të Billboard në Instagramin e saj.

Artistja me origjinë shqiptare shkroi edhe një mesazh të shkurtër ku shprehej se përfshirja e bashkëpunëtorëve të saj do të thoshte ‘vet bota për të’.

Këngëtarja së fundmi foli për Billboard dhe vuri në dukje se kënga ishte kompozuar me shumë vështirësi si rezultat i efekteve të COVID-19.

“Është mirë pasi punon kaq shumë, veçanërisht pavarësisht nga pandemia, kur ke burime të kufizuara”, tha ajo.

Dua vazhdoi duke u shprehur se ishte veçanërisht e befasuar nga suksesi i këngës.

Ajo shkroi: “’Levitating’ e bëri gjënë e saj në tabelën e Billboard dhe është absolutisht surreale”.

“Ajo këngë ka qenë ‘fëmija im’ për kaq shumë kohë, dhe ta kem atë në botë, dhe që përgjigja e njerëzve të jetë ashtu siç është, është absolutisht magjepsëse për mua. Unë jam vërtet, vërtet, shumë mirënjohëse për të gjitha”, ka përfunduar këngëtarja shqiptare. /Telegrafi/