Drita rikthehet te fitorja, mposhtë lehtësisht Besën

Drita ka arritur të rikthehet te fitorja pas tri barazimeve radhazi.

Gjilanasit kishin përballë Besën e Pejës të cilën e mposhtën me rezultat të pastër 2-0.

Drita në këtë takim hyri tri barazimeve radhazi dhe kishte presion të madh për ta fituar ndeshjen.

Rasti i parë i mirë në ndeshje erdhi vetëm pas 30 minutave lojë, pasi të dyja skuadrat luanin kujdesshëm.

Xhevdet Shabani harkoi bukur për Viktor Kukën por ky i fundit nuk arriti të shënoj pas goditjes së tij.

Pesë minuta më vonë, Kastriot Rexha tentoi të shënoj por pa sukses.

Pjesa e parë u mbyll me dominimin e Dritës por pa arritur të shënoj gol dhe kështu përfundoi baras 0-0.

Golin e parë gjilanasit e arritën në minutën e 68-të, kur pas harkimit në zonë nga Përparim Livoreka, Kastriot Rexha shënoi për 1-0.

Ndërkohë goli i dytë për Dritën erdhi 10 minuta para fundit të ndeshjes, me autor Xhevdet Shabanin.

Kësisoj pas këtyre tri pikëve të reja, Drita është ngjitur në pozitën e tretë në tabelë me 21 pikë të grumbulluara, derisa Besa mbetet me 13 pikë në pozitën e 10-të.

Javën e ardhshme Drita luan në udhëtim te Flamurtari, ndërsa Besa do të jetë nikoqire e Feronikelit. /Telegrafi/