Donnarumma kurrë nuk ka dashur të largohet nga Milani, thotë dhëndrri i tij

Dhëndrri i Gianluigi Donnarummas me këmbëngulje ka deklaruar se portieri kurrë nuk ka dashur të largohet nga Milani, por ka fajësuar Rossonerët për stuhinë mediatike.

Carmine Paoletti e ka quajtur Milanin “klub palaqosh” në Instagram në vazhdën e kritikave ndaj Donnarummas për refuzim të renovimit të kontratës.

Sidoqoftë, dhëndrri i Donnarummas ka sqaruar shpërthimin et ij në Instagram, të cilin ai e ka fshirë, duke thënë se ishte emocion i momentit.

“Gigio kujdeset shumë për Milanin. Nëse klubi është i hapur për dialog, unë nuk shoh ndonjë arsye pse të ndërpritet kontrata”.

“Mendoj se dashuria i tejkalon të gjitha, por nevojiten dy njerëz për të luajtur tangon. Kritika ime në Instagram për Milanin nuk e di pse ka pasur aq shumë peshë”.

Lexo po ashtu Lajmet e fundit rreth Milanit

“Ishte reagim instinktiv pas sulmeve të mëdha ndaj tij. E kam parë atë duke luajtur si fëmijë, e kam parë atë duke qarë nga kënaqësia që po luan në Serie A për klubin e zemrës dhe tash e shoh se ai po ndihet keq”.

“E vërteta është se Donnarumma kurrë nuk ka kërkuar të largohet nga Milani. Ai thjesht ka kërkuar kohë që të vendosë për të ardhmen pasi ka dashur të fokusohet në kombëtaren italiane”.

“Ishte Milani që atij i ka dhënë ultimatum, ata dëshiruan një zgjidhje të menjëherëshme. Nga ai moment filloi gjithçka në media. Unë e di sigurisht se ai kurrë nuk ka kërkuar nga Raiola që të flasë me klubet tjera. Ai thjesht e sheh të ardhmen e vet te Milani”, deklaroi dhëndrri i Donnarummas. /Telegrafi/