“Djali i topit” që u bë i famshëm për veprimin e tij kundër Barcelonës shpërblehet nga Liverpooli, nënshkruan kontratën e tij të parë profesionale

Oakley Cannonier, djali i cili mori famë pasi ua dha shpejtë topin lojtarëve të Liverpoolit në fitoren e famshme 4-0 në Ligën e Kampionëve ndaj Barcelonës, ka nënshkruar kontratën e tij të parë profesionale me klubin nga Anfield.

Sulmuesi 17-vjeçar, i cili u bashkua si një lojtar i U-12 nga Leeds, u vlerësua për veprimin e tij të shpejtë në hedhjen e një topi për Trent Alexander-Arnold që lejoi mbrojtësin të kapte Barçën në habi në një këndore duke pasuar për Divock Origi dhe Reds përmbysen një deficit 3-0 nga ndeshja e parë gjysmëfinale më 2019.

Goli i Origit ishte i katërti për Liverpoolin atë natë dhe i dërgoi ata në finalen e turneut, të cilin ata e fituan 2-0 kundër Tottenham Hotspur.

Triumfi i Reds i atribuohet edhe tifozit të njohur, Oakley Cannonier, i cili u vlerësua lartë edhe pas ndeshjes nga lojtarët e Liverpoolit, por edhe të tjerët.

Është raportuar se Cannonierit u tha nga klubi para ndeshjes që të sigurohej që topat të hidheshin shpejt te lojtarët e Liverpoolit në çdo ndërprerje.

Cannonier, i cili ka përfaqësuar Anglinë në nivelin e të rinjve, kishte vitin e tij të parë me U-18 sezonin e kaluar dhe shënoi golin e fundit në një ndeshje të Reds të luajtur në ish-terrenin e klubit Melëood në fitoren e nëntorit ndaj Leeds.

Tani, klubi nga Anfield e ka shpërblyer djaloshin duke nënshkruar kontratën e tij të parë profesionale. /Telegrafi/