“Diamanti kosovar”, Ligue 1 me super postim për Edon Zhegrovën pas paraqitjes spektakolare nga ylli prishtinas

Edon Zhegrova ka bërë paraqitjen e tij më të mirë në Ligue 1 që nga transferimi te skuadra e tij Lille.

Sulmuesi kosovar është futur në lojë në minutën e 82-të, pranë rezultatit 1-1 mes Lille dhe Lorient.

Zhegrova shënoi dy gola spektakolar në tre minutat e fundit të ndeshjes duke dhuruar një nga shfaqjet më të mira në karrierën e tij.

24-vjeçari ka marrë lëvdata të shumta pas paraqitjes fantastike ndaj Lorient, derisa sot faqja zyrtare e Ligue 1 në Twitter i ka kushtuar një shkrim të bukur.

“Super zëvendësimi nga diamanti kosovar”, ka shkruar faqja e Ligue 1, duke i bashkangjitur edhe videon e dy golave nga Zhegrova.

Prishtinasi pas ndeshjes ishte ftuar nga tifozët e Lille duke u ngjitur në tribunat e stadiumit për të festuar fitoren dhe golat.

Zhegrova 👏 Zhegrova 👏 Zhegrova 👏pic.twitter.com/U7GxevGq0x

— Ligue 1 English (@Ligue1_ENG) April 2, 2023

Ishte një pamje e mrekullueshme, ku i gjithë stadiumi u ngrit në këmbë duke thirrur dhe kënduar emrin e Zhegrovës.

Me dy golat e të dielës pasdite, Zhegrova shkon në kuotën e tre golave dhe katër asistimeve në elitën e futbollit francez. /Telegrafi/

EDON ZHEGROVA = SUPER SUB 🇽🇰💎

🔁 82' Subbed on (1-1)
⚽ 89' Goal (1-2)
⚽ 90+1' Goal (1-3) 🤯 pic.twitter.com/1k4V98dSqK

— Ligue 1 English (@Ligue1_ENG) April 3, 2023