Dhjetë federatat me përfitimet më të mëdha nga sponsorizimi – FBK i prinë listës, FFK asnjë cent

Ministria e Kulturës, Rinisë dhe Sportit (MKRS) ka publikuar listën e të gjitha federatave dhe klubeve që kanë inkasuar të hyra nga sponsorizimi gjatë vitit 2023. Federatat kanë fituar mjaftueshëm nga ligji, por janë disa nga to që e kanë bërë diferencën me fitime. Befasia është Federata e Futbollit të Kosovës, e cila nuk ka përfituar asnjë cent.

MKRS ka publikuar listën e përfitimit të sportit nga ligji i sponsorizimit për vitin 2023. Sipas asaj që thuhet në postimin e tyre, me sponsorizim të federatave dhe klubeve sportive, shteti i Kosovës i mundëson bizneseve që të lirohen nga pagesa e tatimit në fitim deri në 30 për qind dhe atë buxhet ta orientojnë në sport.

Siç tregon edhe vet lista e publikuar nga MRKS, sporti që ka përfituar më së shumti nga ky ligj është ai i futbollit, me rreth 6 milionë euro të përfituara.

Pas futbollit sporti që ka përfituar më së shumti nga ligji i sponsorizimit del të jetë basketbolli me 5.8 milionë euro ndërsa top treshen e kompleton ai i volejbollit me rreth 1.1 milion euro.

Lexo po ashtu Dhjetë klubet sportive me më së shumti të hyra nga sponsorizimi në vitin 2023

Por, cilat janë federatat sportive që kanë fituar më shumë të hyra nga sponsorizimi në vitin 2023?

Në listën e siguruar nga Telegrafi, Federata e Basketbollit e Kosovës (FBK) prinë dukshëm listën me fitime prej 228,096 eurosh nga sponzorimi.

Pas FBK-së, vijnë Federata e Xhudos e Kosovës me 160,000 euro të siguruara, Federata e Volejbollit e Kosovës me 122, 200 euro në vendin e tretë dhe Federata e Hendbollit e Kosovës me 115, 000 euro në vendin e katërt.

Në vendit e pestë renditet Federata e Tenisit e Kosovës me 61, 000 euro, Federata e Shahut e Kosovës në të gjashtin me 56,000 euro, Federata e Atletikës e Kosovës me 21,000 euro në të shtatin, Federata e Boulingut e Kosovës në vendit e tetë me 17,000 euro dhe Federata e Ragbit e Kosovës dhe Federata e Golfit e Kosovës ndajnë pozitat nëntë dhe dhjetë me nga 15, 000 euro.

Ajo që vlen të theksohet është se Federata e Futbollit e Kosovës (FFK) nuk ka siguruar as edhe një cent nga ligji i sponsorizimit për vitin 2023.

Të hyrat e federatave sportive nga marrëveshjet e sponsorizimit (2023)

View this post on Instagram

A post shared by Telegrafi Sport (@telegrafisport)

/Telegrafi/