Catherine Zeta-Jones edhe jashtë ekranit duket si Morticia Addams: Kombinimi kuq-zi me pjesë të rëndësishme të sezonit

Edhe një tjetër dëshmi se në një fund midi lëkure ia vlen të investoni këtë dimër

Të gjithë e dimë që ngjyra e kuqe është diçka pa të cilën festat e ardhshme nuk mund të kalojnë.

Për kombinimin fitues pa të meta shfaqja e fundit e Catherina Zeta Jones-it mund t’ju shërbejë si frymëzim i shkëlqyeshëm.

Kohët e fundit, nëpërmjet kombinimeve të saj ajo kanalizon personazhin e Morticia Addams -it të cilin e interpreton në realizimin e ri “E mërkura” të Netflix-it, transmeton Telegrafi.

Fundi i saj prej lëkure në ngjyrë të kuqe Ferrari vihet në pah nga një e çarë që është krijuar për të treguar këmbët e saj sa duhet, duke e mbajtur ende fundin mjaftueshëm të moderuar, pavarësisht se është provokues dhe si veshje e përditshme… Sigurisht, një tjetër dëshmi se ia vlen të investoni në një fund midi lëkure këtë dimër.

Veçanërisht befasuese është zgjedhja e këpucëve, me sa duket ajo ka veshur mokasina të rrumbullakosura, por në fakt ato janë këpucë me një takë të plotë transparente interesante.

Pjesa tjetër e veshjes është e thjeshtë, me një bluzë të zezë, një pelerinë të zezë, syze dielli dhe një çantë “Chanel”.

Për paraqitjen e dytë, Catherina Zeta Jones zgjodhi një pamje të vërtetë Morticia Addams – ajo veshi të njëjtën pelerinë të zezë mbi një fustan të zi të gjatë, dhe me sa mund të shohim nga këpucët, rrumbullakësia e këpucëve me rripa po merr momentin e tyre.

Ky model i njohur ndryshe si “mary jane”, por duket se tashmë do ta shohim të kombinuar me stile më elegante dhe serioze. Ato janë thjesht të përjetshme, dhe këtë vit shtëpia e modës Prada prezantoi modele të përmirësuara me një thembër dhe majë të mprehtë. /Telegrafi/