Blero i është nënshtruar një ndërhyrje kirurgjikale

Këngëtari i njohur shqiptar, Blero Muharremi, ditët e karantinës po i kalon i vetëm në banesën e tij në Prishtinë.

Kjo pasi bashkëshortja e këngëtarit, modelja Afrona Dika, ka mbetur në Zvicër te familja e saj dhe që nga anulimi i fluturimeve nuk ka mundur të vijë më në Kosovë.

Për jetesën e tij i vetëm në këto ditë karantine, Blero foli përmes një lidhje direkte për emisionin “Rudina” në TV Klan.

https://www.instagram.com/p/B8H1WXnHPbo/

Ai përball gazetares Rudina Magjistari përveçse tregoi rutinën e tij të përditshme, bëri të ditur edhe se i është nënshtruar së fundmi një ndërhyrje kirurgjikale.

Megjithë insistimin, ai nuk tregoi se ndërhyrje e çfarë lloji ishte, duke preferuar ta mbajë për vete këtë pjesë.

“Është pak personale që të flas për ndërhyrjen, por me rëndësi është që jam mirë, jam shëndoshë dhe jam duke e marrë veten për t’u rikuperuar. Kam 12 ditë që jam i shtrirë, por më ka qëlluar ndoshta në atë kohën ideale, duke qenë se është dhe kohë karantine, kohë që të rrimë në shtëpi ka qenë më kollaj për mua për ta përballuar. Jam mirë dhe duke e marrë veten”, ka thënë këngëtari.

I njëjti gjithashtu ka bërë të ditur se ka realizuar këngën e tij të re, por pret lansimin e saj pasi të përfundojë pandemia COVID-19. /Telegrafi/