Biden thotë se ka ndërmarrë pesë veprime pas avancimit të Talebanëve në Afganistan

Joe Biden ka reaguar rreth ngjarjeve të fundit në Afganistan, ku Talebanët thuhet se janë shumë pran të marrin kontrollin e kryeqytetit, Kabul.

Presidenti amerikan përmes një deklarate për shkrim ka pohuar se po e përcjell me vëmendje zhvillimet e fundit në shtetin afgan.

“Gjatë ditëve të kaluara unë kam qenë në kontakt të ngushtë me ekipin tim të sigurisë kombëtare për t’u dhënë atyre udhëzime se si të mbrojnë interesat dhe vlerat tona ndërsa përfundojmë misionin tonë ushtarak në Afganistan”, tha Biden.

Lexo po ashtu Talebanët po i afrohen Kabulit, presidenti afgan iu drejtua popullit: Shpejt do të shihni rezultatet e reagimit tonë

“Së pari, bazuar në rekomandimet e ekipeve tona diplomatike, ushtarake dhe të inteligjencës, unë kam autorizuar vendosjen e afro 5,000 trupave amerikane për t’u siguruar që mund të kemi një tërheqje të rregullt dhe të sigurt të personelit amerikan dhe personelit tjetër aleat dhe një evakuim të rregullt dhe të sigurt të afganëve që ndihmuan trupat tona gjatë misionit tonë dhe atyre në rrezik të veçantë nga përparimi i talebanëve”, shtoi ai.

Lideri amerikan më tutje deklaroi se “së dyti, unë kam urdhëruar forcat tona të armatosura dhe komunitetin tonë të inteligjencës të sigurojnë që ne do të ruajmë aftësinë dhe vigjilencën për të adresuar kërcënimet e ardhshme terroriste nga Afganistani”.

“Së treti, unë e kam udhëzuar Sekretarin e Shtetit që të mbështesë Presidentin Ghani dhe udhëheqës të tjerë afganë, ndërsa ata kërkojnë të parandalojnë gjakderdhjen e mëtejshme dhe të ndjekin një zgjidhje politike. Sekretari Blinken gjithashtu do të angazhohet me akterët kryesor rajonalë”.

“Së katërti, ne u kemi përcjellë përfaqësuesve Talebanë në Doha, nëpërmjet komandantit tonë luftarak, se çdo veprim nga ana e tyre në terren në Afganistan, që vë në rrezik personelin amerikan ose misionin tonë atje, do të pritet me një ushtri të shpejtë dhe të fortë amerikane përgjigje”, tha i pari i shtetit amerikan.

Lexo po ashtu Forcat afgane po përpiqen të kthejnë kontrollin në një qytet strategjik - luftime të ashpra me Talebanët

“Së pesti, unë e kam vendosur Ambasadoren Tracey Jacobson në krye të një përpjekje të tërë të qeverisë për të përpunuar, transportuar dhe zhvendosur aplikantët afganë për viza emigruese speciale dhe aleatë të tjerë afganë. Zemrat tona shkojnë për burrat dhe gratë trima afganë që tani janë në rrezik. Ne po punojmë për të evakuuar mijëra nga ata që ndihmuan kauzën tonë dhe familjet e tyre”, deklaroi Biden.

“Kjo është ajo që ne do të bëjmë. Tani më lejoni të jem i qartë se si arritëm këtu”, tha ndër të tjerash presidenti.

Ndryshe, Amerika shkoi në Afganistan 20 vjet më parë për të mposhtur forcat që sulmuan këtë vend më 11 shtator. Ky mision rezultoi në vdekjen e kreut të organizatës terroriste, al-Qaeda, Osama Bin Ladenit mbi një dekadë më parë dhe degradimin e saj. /Telegrafi/

له بلخ څخه تېښته د حیرتان په طرف،دروازه بنده ده. pic.twitter.com/9T2vY1AuU9

— Mashal Afghan (@MashalAfghan313) August 14, 2021