Biden: E di që këto janë kohë të errëta, por gjithnjë do të ketë edhe dritë

Presidenti i zgjedhur amerikan, Joe Biden, ka mbajtur një fjalim në Delaware para se të nisej për në Washington.

Sipas The Guardian, përcjell Telegrafi, Biden u shpreh se ishte e rëndësishme për familjen e tij që të ndalonte në Delaware para se të udhëtonte për në Washington për inaugurimin e tij.

“Është thellësisht personale që udhëtimi ynë i ardhshëm në Washington të fillojë këtu – vendi që e përcakton më së miri se kush jemi ne amerikanët”, u shpreh ai.

President-elect Joe Biden tears up during his Delaware farewell address:

“It’s kind of emotional for me.” pic.twitter.com/XOvSGm2p9b

— The Recount (@therecount) January 19, 2021

“E di që këto janë kohë të errëta, por gjithnjë do të ketë edhe dritë”, deklaroi Biden.

“Kjo është ajo që e bën këtë shtet kaq të veçantë”, theksoi ai.

Joe Biden, njëherësh dhe kandidati i demokratëve për zgjedhjet presidenciale të SHBA-së, fitoi besimin e qytetarëve amerikanë për ta udhëhequr vendin përgjatë katër viteve të ardhshme.

Nesër edhe zyrtarisht Biden do të inaugurohet si Presidenti i Shteteve të Bashkuara të Amerikës, pas certifikimit të rezultatit të këtyre zgjedhjeve nga Kongresi amerikan. /Telegrafi/