Beyonce flet për albumin e ri

Superylli amerikan, Beyonce, ka pranuar se ajo ka pasur shumë dyshime pas lansimit të albumit të saj të befasishëm me emër sikur ajo vet, “Beyonce”.

Bukuroshja ka lansuar javë më parë albumin e saj, duke befasuar jo vetëm fansat e saj, por edhe konkurrentët. Aq sa ka thyer edhe rekord në iTunes për numrin e kopjeve të shitura.

Albumi përmban 17 videoklipe dhe 14 këngë në atë që është projekti i saj i pestë i madh muzikor dhe këngëtarja thotë të jetë frikësuar nga dështimi i mundshëm i projektit.

“Isha e tmerruar. Isha aq e frikësuar. Unë e paramendojë gjënë më të keqe që ka mundur të ndodhë. Unë isha shumë nervoze sepse ishte rrezik i madh”, theksoi ajo.

Albumi “Beyonce” u lansua pa asnjë paralajmërim dhe është mbajtur tash e sa kohë i fshehtë dhe Beyonce thotë se esenca ka qenë që të befasohen fansat e saj, e jo të krijohet shumë shitje e madhe e promovim i projektit.

“Ne kemi kaluar nëpër shumë gjëra për të mbajtur të fshehtë albumin, të mbajmë si befasi. Unë vërtet kam dashur t’i befasoj njerëzit dhe që ata të dëgjojnë artin e jo të jetë një projekt me shumë eufori dhe promocion medial. Dhe, ne këtë e arritëm”, përfundoi Beyonce.

Momentalisht nga albumi i ri i Beyonces është kënga “Drunk in Love” ajo që është shndërruar në hit, një bashkëpunim me bashkëshortin e saj, Jay Z.