Befason reperi Lil Nas X, pozon me barkun e fryrë dhe thotë se është shtatzënë me albumin e tij

Ai mezi po pret që të dalë në shitje albumi i tij i ri, i titulluar “Montero”.

Dhe Lil Nas X ‘tërboi’ rrjetin të premten kur u shfaq në disa imazhe ku dukej sikur të ishte shtatzënë, shkruan DailyMail.

Reperi i njoftoi fansat e tij në TikTok se ishte “shtatzënë” me albumin e tij të parë në karrierë.

Muzikanti 22-vjeçar bëri shaka duke thënë se ‘foshnja Montero do të lindë më 17 shtator 2021’, teksa barku i tij ishte i rrumbullakosur dhe i buzëqeshte kamerës.

Lil Nas – emri i plotë i të cilit është Montero Lamar Hill – pozoi pa këmishë në një banjo për videon e shkurtër që do të ndante me ndjekësit e tij në TikTok.

“Unë kam një njoftim”, shkroi ai me një mori emoji festive.

Këngëtari i “Old Town Road” u tërhoq për të treguar gungën e tij në rritje ndërsa njoftoi datën e publikimit të katalogut të tij të parë të hiteve.

“Unë thosha: ‘Oh Zoti im, kjo është e mahnitshme’, kështu që unë menjëherë thirra stilisten time”, kujton ai, duke shtuar: “Ajo ishte si: ‘Wow, kjo e gjitha vjen së bashku. Albumi juaj. Foshnja juaj’. Unë thosha: ‘Po, ky është fëmija im, a?’. [si] një shaka. [Ajo] ishte si: “po, ju duhet të bëni një xhirim shtatzënie”, kujton reperi.

Të mërkurën, Nas konfirmoi se Sir Elton John dhe Miley Cyrus janë paraqitur në albumin e tij të ri ndërsa ai publikoi listën e këngëve në Instagram.

Kur një përdorues i rrjetit social Twitter vuri re se nuk kishte njerëz me ngjyrë në listën e tij të bashkëpunimeve, Nas ishte i shpejtë të përgjigjej në Twitter duke shkruar: “Ndoshta shumë prej tyre thjesht nuk duan të punojnë me mua”. /Telegrafi/

View this post on Instagram

A post shared by MONTERO (@lilnasx)

View this post on Instagram

A post shared by MONTERO (@lilnasx)