Bebe Rexha organizon darkë speciale në Londër në mbështetje të femrave, e ftuar speciale Rita Ora

Rita Ora dhe Bebe Rexha publikuan një fotografi së bashku, përmes së cilës treguan se iu bashkuan mbrëmjes “Women in Harmiony” të martën (25 shtator) në Casa Cruz në Londër, Angli.

Bebe e organizoi këtë darkë në fillim të këtij viti si një mënyrë që këngëtaret femra të bashkoheshin dhe të kishin një hapësirë të sigurt për t’iu bashkuar tregut.

Ajo ndërmori iniciativën për të organizuar këtë mbrëmje pasi një studim zbuloi se gratë përbënin vetëm 16.8% të artistëve në tabelat botërore.

“Isha si,” Oh, zoti im, nuk ka shumë prej nesh! Nuk është çudi pse nganjëherë ne bëhemi konkurrues si femra sepse nuk ka hapësirë të mjaftueshme për ne në tryezë. Dhe unë thashë: “Ne duhet të mbështesim vërtet njëri-tjetrin”. Mendova: Dua të darkoj, dhe dua të bëj një gjë të veçantë dhe ta bëj atë intime dhe private”, tha Bebe Rexhe në një intervistë për Billboard pak para darkës.

“Shumë herë kur takoni artistë ose kompozitorë të tjerë, ne jemi të gjithë të pasigurtë dhe të gjithë të njëjtën gjë, kështu që ndjehem sikur ky është një mjedis i sigurt”, shtoi ajo.

“Dua ta bëj këtë organizim sonte, sepse dua q ata t mund të bisedojnë me njëri-tjetrin dhe ndoshta t punojnë më mirë me njëri-tjetrin. Ky është qëllimi im”, ka përfunduar këngëtarja shqiptare.

Ndërkohë, e ftuar nderi në këtë mbrëmje ka qenë patriotja tjetër e famshme, Rita Ora, e cila aktualisht është në prag të lansimit të albumit të saj të dytë.

“Ndjehem sikur është një nate e rëndësishme, sepse asnjëherë nuk jam bërë pjesë e një organizimi me njerëz të tillë”, ka thënë ndër të tjerash Rita Ora.

https://www.instagram.com/p/BoKtjA4FcQu

Megjithëse një organizim i detajuar dhe i veçantë, në këtë mbrëmje u vërejt mungesa e një prej artisteve që i ka kënduar shumë forcës së femrës – shqiptarja Dua Lipa, e cila ndryshe nga Rita, duket se nuk ka qenë e ftuar në mbrëmjen e organizuar nga po prapë një shqiptare si këngëtarja Bebe Rexha.

Pavarësisht se Rexha dhe Lipa kanë raporte të mira mes vete, krejt e kundërta duket se ndodh mes Duas dhe Ritës, të cilat pavarësisht se kanë treguar në media se kanë respekt për njëra-tjetrën, raportet mes tyre duket se vazhdojnë të mbesin të ftohura. /Telegrafi/