BDI: Votë masive për kandidatin e vetëm shqiptar në diasporë

Bashkimi Demokratik për Integrim me një njoftim të dërguar Telegrafit në Maqedoni ju është drejtuar qytetarëve të diasporës që kanë të drejtë vote për zgjedhjet e 11 dhjetorit, shkruan Telegrafi Maqedoni.

”Xhevdet Spahiu është mundësia e shqiptarëve për të bërë që jo të gjithë deputetët e Diasporës të jenë maqedonë. Zoti Spahiu ka realizuar një fushatë pozitive dhe gjithëpërfshirëse me patriotët jashtë vendit. Duke kujtuar kontributin e lartë të Diasporës në arritjet e Maqedonisë dhe rajonit, ai i ka ftuar bashkëkombasit që të mos mungojnë në mundësinë për të votuar më 10 dhjetor në të mirë të shqiptarisë në Maqedoni.”

”Departamenti i Diasporës, që punon ngushtë me Spahiun, kujton rëndësinë historike që kanë këto zgjedhje për shqiptarët, ku diskutohet prania e mjaftueshme e faktorit politik shqiptar në vend, që do të ndikojë edhe në realizimin e vizionit të diasporës për vendin dhe komunitetin shqiptar. Diaspora e Maqedoniës voton më 10 dhjetor, një ditë përpara datës së zgjedhjeve të përgjithshme, zgedhje të cilat janë më shumë kombëtare se sa partiake. Zgjedhje ku shqiptarët do japin provimin e maturisë kombetare qe nenkupton bashkim dhe jo përçarje.” thuhet në deklaratën e lëshuar nga BDI./Telegrafi/