“Nusja ime e parë bëri një veprim të shëmtuar. Ajo më plagosi me thikë teksa isha në gjumë. Por, unë e kam falur atë, pasi nuk ishte në vete. Ishte në gjendje depresive. I lutem dhe Allahut që ta falë atë, pasi unë jam besimtar. Ndërkaq, u bëj apel organeve të drejtësisë që ta lirojnë nga burgu Rudinën dhe të kujdesem për të. Kam 15 vite martesë dhe 6 fëmijë me të, të cilët kanë mbetur në rrugë të madhe. Dëshira ime është që të jetoj në një shtëpi me të dyja bashkëshortet, do të bëj të pamundurën për këtë”.
Kështu ka deklaruar dje, Besnik Basha nga Fushë-Bulqiza, baba i 10 fëmijëve. Afro një muaj pasi u masakrua me thika nga bashkëshortja e tij 36-vjeçare, Rudina Basha, 45-vjeçari, i cili është mysliman i devotshëm, ka hedhur pas shpine gjithçka. Ai këmbëngul që gruaja e tij e parë e ka bërë krimin në mënyrë të pavetëdijshme dhe kërkon që ajo të lihet e lirë. Ndërkohë, në një intervistë dhënë dje për “Gazeta Shqiptare”, Besnik Basha tregon me detaje se si ndodhi ngjarja, sesi gruaja e tij e parë e plagosi me thikë vetëm pak minuta pasi kishin bërë dashuri. Gjithashtu, ai tregoi se është martuar me dy gra, të cilat i do dhe që dëshiron të jetojë në një shtëpi me to.
Një muaj më parë ju u plagosët rëndë nga bashkëshortja juaj, Rudina Basha. Sipas burimeve nga policia, ju jeni goditur 6 herë me thikë. Mund të na thoni si ndodhi ngjarja?
Nusja ime, Rudina ishte në gjendje depresive në momentin kur më goditi. Ajo nuk e ka ditur as vetë se çfarë ka bërë. Nuk është e vërtetë se unë kam 6 plagë thike në trup, por vetëm një. Të tjerat kanë qenë thjesht gërvishtje. Nëse doni, jua tregoj.
Përse ju sulmoi Rudina dhe ku ndodhi ngjarja?
Ngjarja ndodhi në qytetin e Bulqizës, në banesën që gruaja ime kishte marrë me qira. Ajo ishte larguar nga unë dhe banonte në qytet.
Iku vetë apo e kishit përzënë ju?
Jo, jo. Rudina u largua nga shtëpia pa dëshirën time. Fillimisht shkoi te prindërit e saj, e më pas bëmë marrëveshje që për hir të 6 fëmijëve që kemi të bashkoheshim në një shtëpi me qira në qytet. Ndërkohë që qiranë ia paguanin prindërit.
Ju, e takonit gjatë kohës që ajo banonte në qytetin e Bulqizës?
Shkova te banesa e saj që ta takoja, të bisedonim dhe të arrinim në një kompromis. Rudinës nuk i pëlqeu që unë shkova ta takoja, por më pas u qetësua. Unë qëndrova atë natë me të, madje bëmë dhe dashuri. Më pas debatuam, u grindëm. Unë e kam ofenduar, sepse ky është mentaliteti i malësorit, dhe ajo u mërzit. Unë isha duke fjetur, kur ajo më goditi me thikë në bark. Ishte ora 3 e natës kur në plagosi. Më ka goditur instinktivisht, pa vullnetin e saj. E përsëris, ishte në gjendje depresive kur më goditi, ndaj e kam falur dhe kam shumë dëshirë që Rudina të dalë nga burgu. Ndërkaq, i lutem dhe Allahut që ta falë, pasi unë jam besimtar.
Përse thoni se Rudina ishte në gjendje depresive, cili ishte shkaku?
Unë kam 2 gra dhe jam baba i 10 fëmijëve, më i vogli është 1 vjeç e 3 muaj. Rudina është gruaja ime e parë dhe është nga Bulqiza. Me të jam celebruar dhe kam 6 fëmijë. Gruaja e dytë (pa celebrim) është nga Cërriku dhe kam 4 fëmijë me të. Unë jam besimtar mysliman dhe feja e lejon që të kem shumë gra. Por, jetojmë në një vend, këtu në Shqipëri ku ligjet nuk e lejojnë një gjë të tillë.
Si besimtar që jeni, si e gjykoni veprimin e bashkëshortes suaj, Rudinës?
Është një veprim i shëmtuar. Ndërkohë them, Allahu e faltë gruan time. Unë ia kam bërë hallall edhe pse më goditi me thikë. Madje që në momentin që më goditi, pasi nuk ka qenë në vete. E them këtë, pasi e kam parë gjendjen e saj emocionale, si edhe fytyrën, e cila i kishte ndërruar komplet.
Pas ngjarjes, keni bërë divorc me gruan që ju plagosi?
Jo, nuk kam bërë divorc. As ajo nuk pranon që të bëjë divorc. Unë e kam bashkëshorte prej 15 vitesh dhe duhemi normalisht.
Aktualisht, kush i mban fëmijët që ke me Rudinën?
Ata rrinë te prindërit e nuses sime, por këta dy të fundit janë të sëmurë, pasi janë në moshë të thyer.
Çfarë do të bësh ti nëse bashkëshortja juaj do të dalë nga burgu?
Unë do bëj atë që është më e mirë për të. Dua t’i mbaj të dyja bashkëshortet në një shtëpi.
Mendoni se dy bashkëshortet e tua do të qëndrojnë sërish bashkë?
Do të bëj të pamundurën që të dyja të qëndrojnë bashkë.
Cili është apeli juaj në lidhje me gruan tuaj, Rudinën?
I bëj apel drejtësisë shqiptare që ta lirojë nusen time nga burgu, pasi ajo nuk është mirë nga gjendja shëndetësore. Dua që ajo të lihet e lirë dhe të kujdesem për të. Vërtet shteti kontribuon për shërimin e saj, por unë kam 15 vjet me gruan time. Ndërsa, 6 fëmijët që kam me të janë në rrugë të madhe. /Gazeta Shqiptare/BalkanWeb/
Lufta Prigozhin - Putin
Më shumëNga Rubrika
Një grua nga Kumanova 72 vjeçare ka raportuar në polici se është mashtruar për blerje dru zjarri
Abdixhiku ndan dekoratën “Dr. Ibrahim Rugova” për heroin Sali Çekaj
Vitin e kaluar në Maqedoni kanë ndodhur 108 aksidente në punë, prej tyre 15 kanë përfunduar me pasoja fatale
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Gashi: Mandatori i ardhshëm për kryeministër duhet së pari të flasë me ne
Pasuria e kryetarit të Suharekës e deklaruar në Agjencinë për Parandalimin e Korrupsionit
Hyri ilegalisht nga Serbia në Kosovë, policia ndalon të dyshuarin
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur