Barcelona planifikon largimin e dy yjeve pas përfundimit të sezonit

Barcelona janë duke bërë plane për sezonin e ardhshëm dhe me një buxhet të limituar, duket se ata do të largojnë nga ekipi lojtarët që nuk i konsiderojnë si shumë të rëndësishëm.

Dy emra që po përflitet se do të largohen në fund të këtij edicioni nga blaugranasit janë Marcos Alonso dhe Sergi Roberto.

Alonso u transferua tek Barcelona rreth 18 muaj më parë dhe ani pse sezonin e kaluar ishte startues i rregullt, ai nuk po ushtron më ndikimin e njëjtë si dikur.

Ish-mbrojtësi i Chelseat ka humbur pesë ndeshjet e fundit shkaku i lëndimit dhe nuk është paraqitur në fushë që nga tetori.

Lexo po ashtu La Liga ndryshon rregullat për transferime, çfarë do të thotë kjo për Barcelonën

Për Roberton, është krejtësisht një storje e kundërt në fushë. Ai ka luajtur në po aq ndeshje sa Alonso dhe në sfidën ndaj Almerias javën e kaluar, spanjolli u zgjodh lojtari më i mirë i ndeshjes pasi shënoi dy gola dhe luajti për 90 minuta.

Që të dy lojtarëve iu skadon kontrata gjatë verës dhe gazeta spanjolle Sport raporton se Barcelona po mendon seriozisht opsionin e largimit të tyre.

Alonso është i gatshëm që të largohet gjatë verës në mungesë të minutave, por Roberto dëshiron të vazhdojë të jetë pjesë e klubit, madje ka shprehur gatishmërinë që të rinovojë kontratën, duke pranuar zbritje të pagës.

Lexo po ashtu Historia e çuditshme e zhdukjes së ish-talentit të Barçës dhe Realit: Nuk e kërkonin më, raportohet edhe për vdekjen e tij

Për shërbimet e Alonsos interesim konkret kishte shfaqur Atletico Madridi andej klubi madrilen mund të jetë një opsion për të përsëri në 2024.

Barcelona pritet që t’i informojë të dy lojtarët për vendim e tyre në janar, për t’iu dhënë hapësirë në gjetjen e klubeve të reja./Telegrafi/