Barcelona mund të lihet jashtë Ligës së Kampionëve për shkak të dëmtimit të reputacionit të kësaj gare

Ngritja e padisë nga Prokuroria Publike së bashku me akuzat e ngritura kundër Barcelonës do të rrezikojnë seriozisht shanset e klubit për t’u paraqitur në garat evropiane sezonin e ardhshëm.

Të gjitha indikacionet sugjerojnë se UEFA mund të jetë në gjendje të konsiderojë se reputacioni i Ligës së Kampionëve do të dëmtohej nga prania e ekipit katalanas në garat evropiane sezonin e ardhshëm.

Barcelona akuzohet se ka paguar gjyqtarët dhe kanë një padi për për “korrupsion të vazhdueshëm”

Neni 4 i rregullave të konkurrencës nuk lë vend për dyshime. Në fakt, ky nen hyn në fuqi për të krijuar një linjë mbrojtjeje që mbron frymën e lojës dhe, në veçanti, vlerat që UEFA synon të vendosë për të siguruar një garë të denjë.

UEFA rezervon të drejtën të mos pranojë klube që, pasi kanë fituar pjesëmarrjen e tyre në garat evropiane, nuk i plotësojnë të gjitha kushtet e përcaktuara në rregulloret e garave të sipërpërmendura.

Neni 4 e bën të qartë se reputacioni i garave nuk mund të vihet në dyshim.

Ditë më parë, UEFA kërkoi informacion mbi gjendjen e hetimit, kërkesat dhe çfarë pretendonin. Kjo ka ndezur këmbanat e alarmit si në Nyon ashtu edhe në Camp Nou.

Fushata e ardhshme e Ligës së Kampionëve mund të jetë shumë në rrezik për Blaugranët./Telegrafi/