Autoritetet ukrainase: Fabrikën e paketimit të mishit e kanë shndërruar në morg për ushtarët e vdekur

Ushtria ruse ka humbur kaq shumë ushtarë në luftën e pajustifikuar në Ukrainë, saqë një fabrikë për paketim të mishit po e shfrytëzon si morg për të ruajtur kufomat e ushtarëve të saj.

Në një njoftim për shtyp, divizioni i inteligjencës i Ministrisë së Mbrojtjes të Ukrainës tha se ushtrisë së presidentit rus, Vladimir Putin i ka mbetur pak hapësirë për trupat e pajetë.

Zyrtarët thanë se rusët po kërkonin “frigoriferë shtesë” për të ruajtur trupat në qytetin e pushtuar të Melitopol, në juglindje të kryeqytetit të Kievit, raporton nypost.

Lexo po ashtu Rusia mund të ketë humbur 20,000 ushtarë në Ukrainë

“Administrata pushtuese e Melitopolit po kërkon urgjentisht frigoriferë shtesë dhe frigoriferë industrialë”, thuhet në deklaratë.

Dihet se fabrika e ambalazhimit të mishit të qytetit, e cila u shndërrua në morg, tashmë është plotësisht e mbushur me trupat e pushtuesve të vrarë dhe nuk mund të pranojë më. Ushtria ruse filloi konvertimin e fabrikës së paketimit të mishit në një morg të improvizuar të hënën, njoftoi ministria e mbrojtjes.

Ndryshe, Numri i ushtarëve rusë të vrarë në Ukrainë tani mund të jetë deri në 20,000 – sipas vlerësimit të fundit nga një zyrtar i lartë perëndimor. /Telegrafi/