Arsenal – Milan, formacionet e mundshme për ndeshjen kthyese në Ligën e Evropës

Arsenali dhe Milani do të luajnë sonte (e enjte) ndeshjen kthyese të vlefshme për fazën e eliminimit direkt në Ligën e Evropës.

Stadiumi Emirates do të jetë mikpritës i ndeshjes së dytë në mes të dy gjigantëve evropianë, Arsenalit dhe Milanit.

Ndeshja e parë në mes të dy skuadrave e zhvilluar në San Siro përfundoi me fitoren e Topçinjve me rezultat 2-0.

Lexo po ashtu Arsenali tregon forcën përballë Milanit, Topçinjtë një hap drejt çerekfinales në Ligën e Evropës

Ky rezultat është në favor të skuadrës së Arsene Wengerit, por ende ka mbetur kualifikimi i hapur për ndeshjen e dytë.

Për dallim nga ndeshja e parë, në këtë takim pritet të ketë disa ndryshime në formacionet titullare, kështu së paku thonë mediat italiane, ky dyshja shqiptare, Granit Xhaka dhe Shkodran Mustafi pritet ta nisin nga minuta e parë.

Wenger pritet të konfirmojë shumicën e titullarëve të ndeshjes së parë, me vetëm një ndryshim që mund të ketë, ku Hector Bellerin do të luaj në vend të Colum Chambers në krahun e djathtë dhe Ospina në vend të Petr Cech.

Lexo po ashtu Gattuso: Milani nuk ka asgjë për të humbur ndaj Arsenalit

Në anën tjetër, edhe Gennaro Gattuso pritet të startoj me formacion më sulmues pasi nuk ka çfarë të humb.

Fabio Borino projektohet në krahun e djathtë të mbrojtjes në vend te Davide Calabrias, ndërsa sulmi do të përbëhet nga dy lojtarë: Patrick Cutrone dhe Andre Silva.

Arsenal: Ospina; Bellerin, Koscielny, Mustafi, Kolasinac; Xhaka, Ramsey; Mkhitaryan, Wilshere, Ozil; Welbeck.

Milan: Donnarumma; Borini, Romagnioli, Bonucci, Rodriguez; Calhanouglu, Kessie, Biglia, Suso; Cutrone, Silva.  

/Telegrafi/