Arrestohet i moshuari në Divjakë, ngacmoi seksualisht të miturat

Policia e Fierit ka njoftuar se ka arrestuar një 79 vjeçar në zonën e Divjakës, i akuzuar për ngacmim seksual.

Në pranga e policisë ra shtetasi S.T., banues në Divjakë, i cili dyshohet se ka ngacmuar seksualisht dy shtetase të mitura.

Policia u vu në lëvizje për arrestimin e të moshuarit, pas denoncimit të bërë në polici nga familjarët e dy vajzave.

Njoftim i Policisë: 

Vihen në pranga 3 shtetas dhe shpallet në kërkim 1 shtetas tjetër, për vepra të ndryshme penale.

Specialistët e Seksionit për Hetimin e Krimeve të Komisariatit të Policisë Fier arrestuan shtetasin A. Xh., 56 vjeç, banues në Levan, Fier pasi dyshohet se ka ushtruar dhunë ndaj bashkëshortes dhe vjehrrit të tij.

Specialistët e Seksionit për Hetimin e Krimeve të Komisariatit të Policisë Lushnjë arrestuan shtetasin A. B., 37 vjeç, banues në Lushnjë, pasi dyshohet se ka ushtruar dhunë ndaj bashkëshortes së tij.

Specialistët e Seksionit për Hetimin e Krimeve të Komisariatit të Policisë Divjakë arrestuan shtetasin S. T., 79 vjeç, banues në Divjakë, pasi dyshohet se ka ngacmuar seksualisht dy shtetase të mitura.

Specialistët e Seksionit për Hetimin e Krimeve të Komisariatit të Policisë Mallakastër shpallën në kërkim shtetasin A. J., 54 vjeç, banues në Greshicë, Mallakastër, pasi dyshohet se ka kanosur një shtetas tjetër, me mjet të mprehtë.

Materialet i kaluan Prokurorisë, për veprime të mëtejshme procedurale. /Telegrafi/