Ulen çmimet e biletave të aeroplanit për në Tiranë

Ministri i Transportit dhe Telekomunikacionit, Fatmir Limaj, ka nënshkruar vendimin që heq taksën prej 20 eurove, e cila ulë biletën nga 110 sa është tani mesatarja, në 90 euro, për biletë kthyese. Tash pritet që bileta të ulet edhe më nga heqja e taksës nga Aeroporti i Tiranës prej 16 eurove dhe nga masat stimulative që pritet të marrë Aeroporti i Prishtinës. Synohet që një biletë vajtje ardhje të kushtojë nga 50 deri në 70 euro.

Vendim i nënshkuar nga ministri Fatmi Limaj, pritet të hyjë në fuqi nga një janari i këtij viti.

"Në bazë të informacioneve që i kam nga televizioni Alsat, ministri i Transporteve dhe Telekomunikacioneve, Fatmir Limaj ka nënshkruar vendimin, i cili heq taksën e udhëtarëve. Ne si ANP do të marrim masa të mëtutjeshme që të ofrojmë benficione të mëtutjshme për kompanitë që operojnë në aeroporte 200 kilometra në largësi për të stimuluar qarkullimin e udhëtarëve”, tha në një konferecë për media drejtori menaxhue i ANP-së, Agron Mustafa.

Sipas tij, me hapat e ndërrmarra nga Kosova biletat do të ulen deri në 30 euro, ndërsa hapt e tjerë pritet të ndërmerren nga qeveria shqiptare.

Një biletë kthyese për momentin në relacionin Prishtinë-Tiranë-Prishtinë, kushton rreth 110 euro. /Telegrafi/