OPEC ul prodhimin, pret të rritet çmimi

Para 27 ministrave të vendeve prodhuese dhe konsumatore dhe drejtuesve të 15 shoqërive të mbledhura në Londër për takimin për energjinë, kryeministri britanik Gordon Brown theksoi se lëkundjet e ashpra të çmimit të naftës shkatërrojnë ekonominë globale.

Duke bërë llogari tamam si një kompjuter, kreu britanik theksoi se në 12 muajt e fundit fuçitë kanë pasur një lëkundje çmimi nga 60 në 147, pastaj sërish në 40 dollarë dhe kjo i ka kushtuar ekonomisë 150 miliardë dollarë.

Rreziku tani është e investimet në industrinë e naftës dhe në sektorët e tjerë energjitike rrezikojnë bllokimin dhe se kapaciteti për të prodhuar energji të ulet, pikërisht kur të ketë kërkesa.

Sipas Brown, ky skenar do t’i kushtojë të gjithëve 1.3 trilionë në vit brenda vitit 2030, ndaj për të ndaluar këtë duhet një marrëveshje mes prodhuesve dhe konsumatorëve.

Pas këtij fjalimi që pershendetet nga pjesëmarrësit është sekretari i përgjithshëm i OPEC, i cili duhet folur për BBC-në, deklaroi se Brown është shumë konfuz për këtë çështje.

Abdalla Salem El-Badri thekson se Mbretëria e Bashkuar ka fituar me shumë se të gjitha vendet nga rritja e çmimit, sepse taksat mbi naftën atje jane me të lartat në të gjithë Evropën.

Më pas presidenti i OPEC, Chakib Khelil njofton se do të vazhdohet të ulet prodhimi i karburantit deri sa çmimi të stabilizohet.