KEK-u çon dëm miliona euro

"Rotorët jane mjete shumë të shtrenjta.Ata duhet të jenë shumë të dëmtuar para se të bëhet zëvendësimi i tyre me të rinj dhe sipas mendimit tonë rotorët e KEK-ut mund të riparoheshin, ka deklaruar zv/presidenti i kompanisë amerikane Wamar, Rixhard Forson, njëra prej kompanive ofertuese për ti riparuar rotorët.

Miliona euro janë dëmet e shkaktuara, pas anulimit të tenderit për riparimin parcial të gjeneratorëve të dy njësive të Termocentralit "Kosova B".

Dy rotorët kanë mundur të riparohen, por Korporata Energjetike e Kosovës (KEK), ka gjetur një zgjidhje tjetër.

Të shpenzojë miliona euro për dy rotorë të rinj dhe për këtë qështje ka negociuar me procedurë një burimore me kompaninë “Alstom”.

"Gjatë inspektimeve që kemi bërë, kemi evidentuar se nuk është e nevojshme për të blerë rotor të rinj, pasi një zgjedhje e tillë nuk bëhet as nga operatorët botëror. Kompania jonë me sukses do arrinte ti riparonte dhe ti transportonte ata", ka deklaruar zv/presidenti i kompanisë Wamar, Rixhard Forson, njëra prej kompanive ofertuese për t’i riparuar rotorët.

Sipas tij, përveç çmimit shumë të madh, mangësi tjetër në porositjen e rotorëve të rinj, është koha e gjatë për prodhimin e tyre, më shumë se 20 muaj.

"Rotorët jane mjete shumë të shtrenjta.Ata duhet të jenë shumë të dëmtuar para se të bëhet zëvendësimi i tyre me të rinj dhe sipas mendimit tonë rotorët e KEK-ut mund të riparoheshin.

Por habia qëndron në faktin se KEK-u për blerjen e rotorëve të rinj ka filluar të negociojë më kompaninë “Alstom”, edhe pse komisioni i vlerësimit të ofertave në KEK, kishte konstatuar se ishte pikërisht oferta e Alstom-it që solli anulimin e tenderit.

Kjo kompani në ofertën e vet nuk kishte paraparë nxjerrjen dhe riparimin e rotorëve të gjeneratorëve.

Për këtë proces jotransparent, deklarojnë edhe udhëheqës të Kompanisë amerikane Wamar të cilët kanë reaguar ndaj vendimit të zyrtarëve të KEK-ut për anulimin e tenderit.

Ata kanë vlerësuar se veprimet e KEK-ut kanë rezultuar që ofertuesit tjerë të trajtohen padrejtë.

"Ne kemi zbuluar se kompania qe ishte diskualifikuar nga tenderi për riparimin e gjeneratorëve të njesive të TC "Kosova B"ishte Alstom, pasi nuk i ishte përgjigjur ofertës. Por për befasinë tonë ne pastaj zbuluam se KEK-u donte të jepte një kontratë për punë në favor të Alstomit", ka thënë Forson.

Ai i ka dërguar një ankesë ish drejetorit të përgjithsëm të KEK-ut në të cilën ata kishin përmendur edhe favorizimet që kjo kompani po ja bënë Alstom-it.

"Është dëgjuar një thashetheme shqetësuese në treg që kompania juaj nuk dëshiron të vazhdojë me procedurë të hapur por se dëshironi që kontratën drejtpërdrejt të ja jepni kompanisë ALSTOM.

Në mënyrë që ne të përgatitemi për hapat e mëtutjeshme të cilat do t’i ndërmarrim, ju lutem na informoni nëse dëshironi të shpallni këtë tender prapë publikisht apo dëshironi që atë të ja jepni një kompanie të vetme, të cekur më lartë”.

Tutje në këtë letër zv/presidenti i komanisë Wamar kishte njoftuar zyrtar të KEK-ut se për këtë qështje është këshilluar edhe me Ambasadën amerikane në vend. /Telegrafi/