Komisioni për Punë të Brendshme, Siguri dhe Mbikëqyrjen e Forcës së Sigurisë së Kosovës, kërkon nga Ministria e Punëve të Brendshme, Policia e Kosovës dhe EULEX, një raport të detajuar lidhur me incidentet e fundit si dhe një vlerësim për situatën e përgjithshme të sigurisë në vend.
Anëtarët e këtij komisioni në takimin e radhës u pajtuan që këtë kërkesë ta dorëzojnë në MPB dhe se në njërën nga takimet e ardhshme të raportohet dhe të jepen informata, për rastet e dëmtimit të varrezave, suspendimin e policëve në rastin e Vulinit si dhe për sulmet e fundit në veri të vendit, raporton KosovaPress.
Mirëpo, anëtarët e këtij komisioni kërkuan dhe nga EULEX-i, që të raportojë mbi gjendjen e sigurisë në veri.
Fatmir Xhelili, anëtar i Komisionit nga radhët e PDK-së, kërkoi dhe nga EULEX, të raportojë para këtij komisioni, për situatën në veri dhe për masat shtesë, pasi që ky mision sipas tij, është përgjegjës për sigurinë në këtë pjesë të Kosovës.
Ai po ashtu tha se një gjë e tillë duhet të bëhet, pasi që parashihen dhe incidente tjera, si rezultat i bisedimeve Kosovës- Serbi.
Ndërsa Ahmet Isufi, kryesues i këtij komisioni tha se po kërkojnë nga MPB dhe Policia e Kosovës t’i informojë për incidentet e fundit, pasi që sulmet e fundit në veri të Mitrovicës, tregojnë për një gjendje jo stabile, në funksionimin e shtetit
“Dy tri ditët e fundit kemi sulme në veri të Mitrovicës, që tregon për një gjendje jo stabile në kuptimit të funksionimit si shtet, që po ndodhin raste të tilla. Pa paragjykuar asgjë nga të gjitha veprimet, për të cilat po flas, kërkoj nga ju nëse mendoni se duhet një informatë konkrete lidhur me këto ngjarje. Ta kërkojmë nga MPB dhe nga Policia e Kosovës, nga inspektorati policor të kemi një material, mbi të cilin do të bazohemi”, tha ai.
Edhe Anton Çuni, anëtar i komisionit nga radhët e LDK-së tha se pas paralajmërimit të temave të nxehta, të cilat pritet të jenë në agjendë të bisedimeve Kosovë Serbi, duhet që institucionet në fjalë të raportojnë, për gjendjen e sigurisë në vend dhe për përgatitjet e tyre për menaxhimin e situatave, në rast të reagimeve të ndryshme, të cilat mund të paraqiten në terren.
“Para se gjithash unë kisha kërkuar, pasi që është paralajmëruar edhe nga Brukseli, pasi që shumë shpejtë në agjendë do të ketë dhe tema të nxehta, me siguri do të ketë dhe reagime në terren, me motivime të ndryshme etnike, ideologjike, kriminale e tjera. Ne kërkojmë nga MPB dhe policia, informata lidhur me vlerësimin e përgjithshëm të sigurisë dhe përgatitjet e tyre për menaxhimin e situatave, të cilat parashikohen se mund ta destabilizojnë vendin”, tha ai.
Ndryshe, Komisioni për Punë të Brendshme, Siguri dhe Mbikëqyrjen e Forcës së Sigurisë së Kosovës, pas shqyrtimit të raportit përfundimtar për Projektligjin nr. 04/L-160 për Agjencinë e Regjistrimit Civil, u pajtua që ky projektligj të shkojë në Kuvend për miratim. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ka heshtje në mesnatë para raundit të dytë të zgjedhjeve presidenciale dhe parlamentare në RMV
Rritet numri i përdoruesve të drogës në Kosovë, përfshihen edhe të miturit
Siguria në Evropë – Gërvalla së bashku me ministrin e Mbrojtjes dhe drejtorin e AKI-së, pjesë e konferencës “Defence 24 Days”
“E pashë një person të maskuar me armë në dorë” – policia jep detaje nga tentim vrasja ndaj Marko Jablanvoviqit
Detaje të reja nga ngjarja tragjike në Shkodër
E goditi me thikë pasi viktima refuzoi të merrte drogë dhe të kryente marrëdhënie seksuale – arrestohet i dyshuari në Fushë Kosovë
Vazhdojnë kërkimet për nënën me dy fëmijë në Shkodër, sekuestrohen kamerat e sigurisë për të zbuluar nëse shoqëroheshin nga dikush
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'