E plotësuar - Përfaqësuesit e shqiptarëve në Luginën e Preshevës dhe shefi i Trupit koordinues për Preshevë, Bujanoc dhe Medvegjë, Zoran Stankovic, nuk arritën asnjë marrëveshje nga takimi i sotëm në zyrat e e OSBE-së në Bujanoc, rreth monumentit të UÇPMB-së në qendër të Preshevës.
Takim zgjati tri orë e gjysmë, ndërsa u ndoq edhe nga përfaqësuesit e ambasadave të Shteteve të Bashkuara, BE-së dhe Britanisë së Madhe.
Lideri i LPD-së , Jonuz Musliu, ka deklaruar se ky ishte një takim ku pala serbe tentonte t’i mbetej besnike kërcënimeve të Dacicit.
“Janë përpjekur të na imponojnë qëndrimet tashmë të njohura të Beogradit për heqjen e përmendores. Kishte edhe propozime për zhvendosjen e lapidarit. Ambasadorët perëndimorë ishin neutral, por përpiqeshin për një kompromis, për gjetjen e një zgjidhe adekuate. Delegacioni ynë ishim unik, sikur thuprat e Skënderbeut. Nuk lëshuam pe”, tha ai për “Presheva Jonë”, duke shtuar se pala shqiptare ishte e prerë në qëndrimet se “nuk pranojmë prishjen dhe zhvendosjen e përmendores”.
Deputeti i vetëm i Luginës së Preshevës në Kuvendin e Serbisë, Riza Halimi, ka mohuar se nga ambasadat e huaja ka pasur rekomandime për zhvendosjen e monumentit, ndërsa Stankovic ka refuzuar të flas për media. /Telegrafi/
Në zyrën e OSBE-së në Bujanoc ka nisur një takim midis anëtarëve të trupit koordinues qeveritar dhe liderëve të partive politike shqiptare në Luginë, për të vendosur për fatin e monumentit në Preshevë kushtuar dëshmorëve të Ushtria Çlirimtare e Preshevës, Bujanocit dhe Medvegjës (UÇPMB).
Takimi i cili është i mbyllur për publikun po kryesohet nga kryetari i Trupit Koordinues, Zoran Stankovic, kurse po marrin pjesë krerët e partive shqiptare, Riza Halimi (Partia për Veprim Demokratik), Ragmi Mustafa (Partia Demokratike Shqiptare), Skender Destani (Bashkimi Demokratik i Luginës), Jonuz Musliu (Lëvizja për Progres Demokratik), Rahmi Zylfiu (Unioni Demokratik i Shqiptarëve) dhe Nagip Arifi (Partia Demokratike).
Në takim po marrin pjesë edhe kreu i Këshillit Kombëtar të Shqiptarëve Galip Beqiri; si dhe Ramadan Ismaili (kryetar i Veteranëve të UÇPMB-së) e Shaip Kamberi, kryetar i degës së Bujanocit të Partisë për Veprim Demokratik, transmeton KP.
Monumenti u zbulua në sheshin qendror në Preshevë më 16 nëntor 2012, për të nderuar luftëtarët e UÇPMB-së që vdiqën gjatë revoltës së armatosur në vitin 2000.
Përurimi ishte bërë në shënimin e 100-vjetorit të themelimit të shtetit shqiptar.
Ndërsa disa ditë pas zbulimit, kryeministri i Serbisë, Ivica Dacic, kishte deklaruar se pllaka përkujtimore ishte një provokim dhe sipas tij pllaka duhet të hiqet.
“Një zgjidhje në lidhje me heqjen e pllakës duhet të gjendet përmes dialogut, në mënyrë që të shmanget konflikti”, tha Dacic të enjten. /Telegrafi/
Lufta Prigozhin - Putin
Më shumëShqiptohen 10 gjoba për dhënien e "Ozempic" pa recetë të mjekut - Spitali i Gjilanit raporton për tre raste me efekte të dyshimta nga përdorimi i tij
Arrestohet një person në Bërnjak, kishte vendosur 50 euro në mesin e dokumenteve gjatë kontrollit në pikën kufitare
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Përleshje fizike mes dy personave në Prishtinë, një polic lëndohet gjatë intervenimit për t'i vënë në kontroll
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Tahiri: Kurti të jap shpjegim pse Serbia mbeti e pa ndëshkuar edhe pas rastit në Banjskë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur