BE-ja nuk do ta bllokojë pavarësinë e Kosovës

Diplomatët evropianë janë të bindur se Bashkimi Evropian do të arrijë ta tejkalojë ndarjen nënçmuese rreth të ardhmes së Kosovës, pasi që një lobim, intensiv, siç duket, ka arritur t’i bind disa vende që të mos e bllokojnë politikë unike për njohjen e pavarësisë, shkruan sot "The Wall Street Journal".

Përçarjet në rastin e Kosovës, shkruan “TWSJ” bartin rrezikun e përsëritjes së asaj që ka ndodhur edhe gjatë luftës në Bosnje më 1993, dhe invazionin amerikan në Irak, më 2003 për shkak të të cilave BE-ja e ka humbur fuqinë që të udhëheq politikë unike.

Këto përçarje i shkojnë për dore edhe Moskës së cilës i krijohet hapësirë për të drejtë vetoje në politikën evropiane në Ballkan, gjë të cilët e duan shumë pak vende të BE-së.

“Kësaj radhe nuk mund ta heshtim mossuksesin”, shkruan kjo gazetë amerikane duke e cituar një diplomat perëndimor nga një vend i cili “përkrah pavarësinë e Kosovës, por që dëshiron të ruhet politika unike e BE-së”.

“TWSJ” vlerëson se vendet si, Greqia, Rumania, Qipro dhe Spanja, edhe pse e kundërshtojnë pavarësinë e njëanshme të Kosovës, nuk do ta bllokojnë zbarkimin e misionit të BE-së në vendin tonë.