Konfirmohet edhe nga Javier Tebas se Florentino Perez ka ndikuar në regjistrimin e dy lojtarëve të Barcelonës

Javier Tebas ka komentuar për ndikimin që presidenti i Real Madridit, Florentino Perez kishte në regjistrimin e dy lojtarëve të Barcelonës Dani Olmos dhe Pau Vicor në La Liga.

Ku u publikua lajmi, shumëkush nuk e besoi se kreu i Los Blancos mund të kishte ndihmuar rivalin e tyre më të madh për të regjistruar lojtarë.

Por, këtë gjë e ka konfirmuar tashmë presidenti i La Ligas, Javier Tebas.

“Dy pika në lidhje me mosmarrëveshjet e shumta që dalin nga kalendari: 1. Meqenëse skuadrat kanë luajtur në garat evropiane të enjten për më shumë se 14 vjet, klubet në të gjithë Evropën, përfshirë Spanjën, luajnë të dielave më pak se 72 orë pas”, ishte reagimi i Tebas.

Lexo po ashtu Zbulohen prapaskena shokuese: Me vetëm një telefonatë, Perez ndikoi që dy lojtarë të Barcelonës...

“2. Asnjë portal nuk do ta mohojë se Florentino Perez iu drejtua CSD-së për të pranuar ankesën e Barcelonës në lidhje me regjistrimin e Olmos”.

“Kujdes, sepse sipas lajmeve, ai vetë ka folur për këtë temë gjatë finales së Superkupës. Nëse kjo do të ishte e vërtetë, do të përballeshim me një rast shumë të rëndë”, ka shkruar presidenti i La Ligës në Twitter.

Perez telefonoi Presidentin e Gjykatës së Lartë për Sport, Jose Manuel Rodriguez Uribes, duke lobuar që të pranonin urdhrin e kërkuar nga Barcelona, ​​dhe se ky është një version i ngjarjeve të mbrojtura nga presidenti i La Ligës, Javier Tebas dhe drejtues të tjerë në garë.

Ata janë të bindur se ndërhyrja e Perez ishte vendimtare që Barcelona të mund të vazhdojë të luajë me Olmon dhe Victor. /Telegrafi/