Pas publikimit të përgjimeve telefonike, reagon Xheneta: Jam kërcënuar nga Driloni dhe menaxheri i tij

Pas publikimit të përgjimeve telefonike që tronditën rrjetet sociale, Xheneta Fetahu ka reaguar zyrtarisht në llogarinë e saj në Instagram.

Finalistja e Big Brother VIP Kosova 3 ka ndarë një mesazh në InstaStory, duke theksuar se nuk kishte ndërmend të merrej me këtë situatë, por kërcënimet e vazhdueshme nga fituesi Drilon Rama dhe menaxheri i tij e detyruan ta bënte publike bisedën e incizuar.

Në reagimin e saj, Xheneta shkruan: “Nuk e kam pasur në plan të merrem me këto biseda. Mirëpo, kërcënimet e vazhdueshme të Drilonit dhe menaxherit të tij, nuk më lanë rrugë tjetër! Ju lus të mbarojë me kaq dhe të mos merreni më me emrin tim! Sa i përket asaj ‘videos’, le të shkojnë te femrat ku janë mësuar, jo me mua!”.

Ky reagim ka ndezur edhe më shumë debat mes ndjekësve të BBVK3, të cilët janë ndarë mes atyre që mbështesin Xhenetën dhe të tjerëve që pyesin nëse publikimi i bisedave ishte i justifikuar.

Lexo po ashtu 'Godet' Xheneta, publikon përgjimet telefonike me Drilonin ku ai bën bisedë intime me të dhe i thotë se nuk ka më interes për Sarën

Nga ana tjetër, Drilon Rama ende nuk ka bërë një deklaratë publike për këtë skandal, ndërsa fansat presin me kuriozitet nëse ai do të reagojë apo do të qëndrojë në heshtje përballë akuzave. /Telegrafi/