Zbulohen fjalët që Timber ia tha trajnerit të Marescas – tifozët e Chelseat të nervozuar

Shumë tifozë të Chelseat u zemëruan me trajnerin Enzo Maresca pasi mbrojtësi i Arsenalit, Jurrien Timber u shfaq duke e ‘turpëruar’ atë me një mesazh të prerë dy fjalësh gjatë humbjes 1-0 të së dielës në Emirates.

Ndeshja, e vendosur nga një goditje me kokë në minutën e 20-të nga Mikel Merino nga një harkim i Martin Odegaard, shënoi një tjetër humbje frustruese për Blutë, të cilët tani kanë humbur katër ndeshje radhazi jashtë në Ligën Premier.

Skuadra e Marescas gjithashtu zgjati ecurinë e tyre pa fitore kundër Arsenalit në shtatë ndeshje.

Por ndërsa betejat e Chelseat në fushë do të jenë shqetësimi kryesor për shumicën e mbështetësve të Bluve, disa tifozë në mediat sociale u shfaqën më të nxitur nga një shkëmbim i shkurtër midis Marescas dhe Timber.

Incidenti ndodhi në kohën e shtuar gjatë një pushimi të shkurtër në lojë. Timber u afrua disa herë te Maresca dhe u dëgjua duke i thënë të ‘përpiqej më shumë’.

Lexo po ashtu Vendos goli i Mikel Merinos, Arsenali rrëmben fitoren në derbin ndaj Chelseat

Italiani u përgjigj me gojën e mbuluar, përpara se Timber t’i zgjaste dorën me pafytyrësi. Maresca e tundi atë përpara se të rifillonte loja.

Një mbështetës postoi në X: “Absolutisht e turpshme ta pranosh që ky është trajneri ynë”.

Një tjetër tha: “Imagjinoni këtë me ndonjë trajner tjetër të Chelseat ndonjëherë, nuk do të ndodhte”.

Të tjerë vunë në dukje se si shkëmbimi simbolizonte betejat aktuale të Chelseat.

“Ky nuk është Chelsea që e njihnim dikur”, u ankua një tifoz, ndërsa një tjetër pohoi se një “trajneri elitar do të ishte nxehur në këtë moment”. /Telegrafi/