Shkumë misterioze shfaqet në brigjet e Australisë, sëmurën 100 serfistë

Shkuma e pazakonshme e plazhit në Australinë Jugore thuhet se është përgjegjëse për sëmundjen e më shumë se 100 sërfistëve dhe vdekjen e dragonjve të detit, peshqve dhe oktapodëve.

Autoritetet shëndetësore kanë mbyllur plazhet Waitpinga dhe Parsons, të vendosura rreth 80 kilometra në jug të Adelaide, dhe thonë se shkuma mund të jetë rezultat i lulëzimit të mikroalgave të shkaktuara nga temperaturat e larta, ujërat e qeta dhe një valë e nxehtë detare, raporton The Guardian.

Surfistët në rajonin lokal janë ankuar për turbullim të shikimit, kruajtje të syve dhe kollë dhe probleme me frymëmarrjen, transmeton Telegrafi.

“Plazhi është i mbuluar plotësisht me shkumë të trashë, të verdhë, me shumë gjëra të gjelbra, të rrëshqitshme dhe të pista përgjatë bregut”, tha sërfisti Anthony Rowland.

Rowland postoi foto të kafshëve të ngordhura të detit të zhytura në breg. Ai shtoi se ka “prova se diçka e çuditshme ekziston në ujë”. Fotot tregojnë shkumën që derdhet mbi shkëmbinj dhe krijon vija shumëngjyrëshe në rërë.

“Shkuma gjithashtu ka një efekt ylber në flluska”, tha Rowland.

Pasi ishte në ujë gjatë fundjavës, ai përjetoi një reaksion respirator.

“Ishte si të thithësh një pastrues të fortë, si të pastroje lavamanin e kuzhinës”, tha ai.

Reagimi ndaj njoftimit të tij ishte i madh, ai shtoi se më shumë se 100 persona janë prekur. Gjithashtu ka frikë se kjo po përhapet në plazhe të tjera në gadishullin Fleurieu.

“Në 24 orët e fundit ka peshq të ngordhur përgjatë Victor (Harbor), Middleton dhe Encounter. Padyshim që goditi bregun e Victor dhe ka oktapodë të ngordhur në Middleton”, tha ai.

Një zëdhënës i Departamentit të Mjedisit tha se plazhet u mbyllën në interes të sigurisë, dhe se autoritetet po hetonin rastin.

“Plazhet Waitpinga dhe Parsons brenda zonës së konservimit të Newland Head do të mbyllen përkohësisht për publikun, për shkak të ngordhjes së peshqve në zonë dhe plazhet do të rihapen sa më shpejt të jetë e mundur”, tha zëdhënësi.

“EPA ka marrë raporte të shumta se peshq të ngordhur dhe kuaj deti mund të gjenden në breg, dhe se ka ngjyrosje të kuqe të rërës dhe shkumës në plazhe”, tha Agjencia Shtetërore e Mbrojtjes së Mjedisit (EPA).

Ata gjithashtu thanë se po punojnë me agjenci të tjera për të dalë në vendngjarje dhe për të marrë mostrat e ujit.

“Besohet se ngjarja mund të shkaktohet nga lulëzimi i mikroalgave të cilat janë shkaktuar nga temperaturat e larta, ujërat e qeta dhe një valë e vazhdueshme e nxehtësisë detare, me temperatura aktualisht 2.5 gradë celsius mbi normale, me pak erë që kontribuon në kushtet”, shtuan ata. /Telegrafi/

There is a health warning for SA beachgoers on the south coast where a mystery illness has struck down dozens of surfers and is killing hordes of fish. Surfers have told 7NEWS they developed ear, eye and throat infections after entering the water at Waitpinga Beach which is now… pic.twitter.com/Su8kPUrHsC

— 7NEWS Adelaide (@7NewsAdelaide) March 18, 2025

What is making beachgoers sick and killing marine life on the Fleurieu Peninsula? SA surfers have raised the alarm after falling ill while out on the state’s south coast. A mysterious sea foam has been washing ashore as well as dozens of dead sea creatures. Now, authorities have… pic.twitter.com/4qbjNNH12j

— 7NEWS Adelaide (@7NewsAdelaide) March 17, 2025

Several beaches along South Australia’s south coast remain closed because of a mystery illness that has struck down dozens of surfers and beachgoers. Fish are also washing up dead. @haydennelson #7NEWS pic.twitter.com/9Pr6gHkqgr

— 7NEWS Adelaide (@7NewsAdelaide) March 18, 2025