Nga humbja e peshës te golat: Lukaku po e shkruan historinë e tij në Napoli

Romelu Lukaku duket se po gjen përsëri formën e tij më të mirë nën drejtimin e Antonio Contes në Napoli.  

Belgu, i cili ka një histori të suksesshme me Conten nga koha e tyre në Inter, po tregon shenja të qarta të një rilindjeje këtë sezon. 

Në dy sezonet e tij me Inter (2019-2021), Lukaku shënoi 64 gola dhe dha 15 asistime në 95 ndeshje. Megjithatë, pas një periudhe te Chelsea, Inter dhe Roma, Lukaku vendosi të ribashkohej me Conten këtë verë. 

Sipas La Gazzetta dello Sport, Lukaku erdhi në Napoli jashtë formës dhe me një përgatitje fizike të dobët. Megjithatë, ai ka humbur nëntë kilogramë që nga ardhja e tij dhe po ndjek një dietë të rreptë.  

Lukaku e pranoi: “Në Inter peshoja 101 kg, në Napoli 99 kg. Tani pesha ime ideale është 102 kg”. 

Rezultatet janë të dukshme. Belgu ka shënuar 10 gola dhe ka dhënë 9 asistime në 28 ndeshje këtë sezon. Në ndeshjen e fundit kundër Fiorentinës (2-1), Lukaku shënoi golin e parë dhe asistoi për golin e dytë, duke treguar shenja të qarta të një kthimi në formën e tij më të mirë. 

Lexo po ashtu Romelu Lukaku rrëfen detaje tronditëse për trajtimin mizor që iu bë tek Chelsea

Conte ka qenë i kënaqur me paraqitjen e tij: “Kundër Fiorentinës dhe Interit, ai pati paraqitjet e tij më të mira që kur erdhi në Napoli. Ai e di që duhet të dominojë, dhe nëse e bën, do të kemi më shumë shanse për të fituar”. 

Me dy finale të mbetura dhe Napoli vetëm një pikë pas Interit, Lukaku do të luajë një rol kyç në garën për titullin.  

Ai e di rëndësinë e momentit te Napoli: “Pasioni me të cilin jetohet futbolli këtu dhe energjia që njerëzit të transmetojnë është e pabesueshme”. /Telegrafi/