Presidenti i La Ligës sulmon Real Madridin: Është një klub vajtuesish, Perez po mashtron njerëzit

Presidenti spanjoll i La Ligës, Javier Tebas, foli “pa gjurmë” në mëngjesin sportiv të Europa Press, duke kritikuar ashpër Real Madridin.

Real Madridi ka qenë në qendër të polemikave javët e fundit për shkak të kritikave të ashpra ndaj gjyqtarëve në La Liga.

Klubi i dërgoi një deklaratë Federatës Spanjolle të Futbollit në fillim të muajit dhe që atëherë kanë ardhur ankesa të reja.

Lexo po ashtu Pranohet ankesa e La Ligas kundër kritikave të Real Madridit rreth gjyqtarëve, Los Blancos rrezikojnë dënimin

Presidenti i La Ligës, Javier Tebas, i njohur për pikëpamjet e tij të hapura, i adresoi akuzat nga Real Madridi në një intervistë së fundmi.

“Javët e fundit kemi pasur shumë polemika mbi gjyqtarët dhe Real Madridi po përdor kanalet e tij (Real Madrid TV) për të përhapur histori të rreme dhe për të vënë në dyshim të gjithë futbollin”, ka thënë fillimisht Tebas.

Lexo po ashtu “Kjo është e pamundur dhe ata e dinë vetë”, presidenti i La Ligës ia mbyll derën e largimit Real Madridit

“Është një histori agresive dhe e manipuluar. Unë njoh shumë tifozë të Realit që nuk pajtohen me pozicionin e klubit. Është një klub vajtuesish që qajnë gjatë gjithë ditës. Ata qanë këtë fundjavë, do të qajnë fundjavën tjetër dhe do të bëjnë histori për një lloj komploti”.

“VAR është përdorur së tepërmi kohët e fundit sepse Perez e thirri presidentin Rubiales. Perez po mashtron njerëzit, ai përfaqëson futbollin oligarkik, ai përfaqëson futbollin vetëm për të pasurit. Ai dëshiron të vendosë gjithçka, përfshirë paratë që shpërndahen”, përfundoi i pari i La Ligës. /Telegrafi/