Ishte afër kalimit në Ligën Premier, lojtari kroat përjashtohet për katër vite nga futbolli

Mbrojtësi i Hamburgut, Mario Vuskovic, ka humbur apelin e tij përfundimtar në Gjykatën e Arbitrazhit Sportiv (CAS) në Lozanë dhe mbetet i ndaluar për katër vjet për shkak të përdorimit të një substance të ndaluar (eritropoietin).

Interesante, 23-vjeçari kroat u pezullua fillimisht për dy vjet në vitin 2022 dhe u apelua në CAS.

Megjithatë, Agjencia Botërore Anti-Doping (WADA) gjithashtu apeloi, duke kërkuar pezullimin standard prej katër vitesh.

Gjykata e Arbitrazhit Sportiv vendosi në favor të WADA-s, duke vendosur një ndalim prej katër vitesh.

Reprezentuesi i të rinjve kroat, i cili ishte lidhur me një lëvizje në Ligën Premier, do të ketë të drejtë të rifillojë stërvitjen në vjeshtën e vitit 2026. Vuskovic ka ende opsionin për ta çuar çështjen e tij në Gjykatën Evropiane të të Drejtave të Njeriut.

Ndërkohë, lojtari ukrainas Mykhailo Mudryk është në pritje të një verdikti nga Federata Angleze e Futbollit, pasi ai mund të përballet me pezullim në varësi të rezultateve të testit të dopingut të mostrës B. /Telegrafi/