Shkëmbim i madh në NBA, Luka Doncic i bashkohet LeBron Jamesit te Lakers

Basketbollisti slloven Luka Doncic po transferohet te Los Angeles Lakers në një shkëmbim të bujshëm që përfshin Anthony Davis, i cili do të kalojë te Dallas Mavericks, sipas raportit të gazetarit të ESPN, Shams Charania.

Në këtë marrëveshje komplekse, Mavericks kanë dërguar gjithashtu Maxi Kleber dhe Markieff Morris te Lakers, ndërsa kanë marrë Max Christie dhe një zgjedhje të raundit të parë në draftin e 2029.

Utah Jazz gjithashtu u përfshinë në tregti, duke marrë Jalen Hood-Schifino dhe dy zgjedhje të raundit të dytë nga drafti i këtij viti.

Menaxheri i përgjithshëm i Mavericks, Nico Harrison, shpjegoi vendimin për shkëmbimin e Doncic me Davis duke thënë për ESPN: “Unë besoj se mbrojtja fiton kampionate”.

BREAKING: The Dallas Mavericks are trading Luka Doncic, Maxi Kleber and Markieff Morris to the Los Angeles Lakers for Anthony Davis, Max Christie and a 2029 first-round pick, sources tell @ShamsCharania. Three-team deal that includes Utah. pic.twitter.com/joU6bXqnBJ

— ESPN (@espn) February 2, 2025

Sipas ESPN, Dallas ishte i pakënaqur me gjendjen fizike të Dončić dhe lëndimet e shpeshta të tij, si dhe mungesën e disiplinës në ushqim dhe fitnes, të cilat zyrtarët e ekipit i konsideruan si faktorë kryesorë në problemet e tij me lëndimet.

Këtë sezon, Doncic ka luajtur vetëm 22 ndeshje për shkak të lëndimeve dhe ka qenë jashtë fushës që nga Krishtlindjet për shkak të një dëmtimi në këmbën e djathtë.

Luka x LeBron x Lakers.

This doesn’t feel real 😳 pic.twitter.com/PvEwMUTVy4

— ESPN (@espn) February 2, 2025

Slloveni, i cili do të nënshkruajë një kontratë të re pesëvjeçare me vlerë 345 milionë dollarë këtë verë, ka tronditur tifozët e basketbollit me transferimin e tij të papritur te Lakers.

25-vjeçari, i cili luajti për Real Madrid para se të transferohej në NBA, është zgjedhur pesë herë si All-Star dhe sezonin e kaluar arriti në finalet e NBA me Mavericks, ku u mundën nga Boston Celtics. /Telegrafi/