Milani ka dy alternativa për ta zëvendësuar Moratan – bisedimet tashmë kanë nisur

Milan po i mban të hapura opsionet për të siguruar një sulmues të ri, ndërsa Sky Sport Italia raporton për një udhëtim në Holandë për të vëzhguar Santiago Gimenez të Feyenoordit, ndërsa SportItalia pohon se klubi është i interesuar edhe për Lorenzo Lucca të Udineses. 

Një sulmues është i domosdoshëm për t’u sjellë para mbylljes së tregut të transferimeve të hënën në mbrëmje, veçanërisht pasi Alvaro Morata është në prag të një transferimi në Galatasaray për 16 milionë euro, ndërsa Francesco Camarda është afër të huazohet te Monza. 

Gimenez është opsioni i parë i Milanit, dhe Feyenoord ia ka vendosur çmimin e tij në 40 milionë euro. 

 Pas një oferte fillestare prej 20 milionë euro plus bonuse, e cila u refuzua, Milan gradualisht e ka rritur ofertën në 30 milionë euro plus bonuse dhe një përqindje të shitjes së ardhshme. 

Sky Sport Italia raporton se drejtuesit e Milanit do të fluturojnë në Rotterdam gjatë ditës së sotme (e premte) për të nisur negociatat direkte me Feyenoord, me shpresën që të arrijnë një marrëveshje. 

Sidoqoftë, ata po mendojnë edhe për planin B, pasi Sportitalia gjithashtu raporton se negociatat janë intensifikuar edhe me Udinesen për italianin Lucca. 

Lexo po ashtu Morata te Galatasaray, sa do të fitojë Milani nga shitja e tij

Çmimi i kërkuar është rreth 30-35 milionë euro, teksa oferta deri më tani ka qenë 25 milionë euro, ku do të përfshihej kartoni i një lojtari tjetër për të ulur koston. 

24-vjeçari është shumë i gjatë dhe i mirë në ajër, diçka që i ka munguar shumë ekipit aktual të Milanit. 

Lucca ka realizuar tetë gola në Serie A për Udinesen këtë sezon, teksa dy të tjerë ka shënuar në Kupën e Italisë./Telegrafi/