Shtëpia e Bardhë jep detaje lidhur me dronët misteriozë mbi New Jersey

Sekretarja e shtypit e Shtëpisë së Bardhë, Karoline Leavitt, njoftoi të mërkurën se dronët që fluturuan mbi pjesën veriore të Shteteve të Bashkuara gjatë muajve të fundit, “nuk ishin armiqësor”.

“Dronët që fluturonin mbi New Jersey në numër të madh, ishin të autorizuar nga FAA për kërkime dhe arsye të tjera të ndryshme”, tha Leavitt, duke lexuar një deklaratë nga presidenti Donald Trump, transmeton Telegrafi.

Pse është e rëndësishme se zyrtarët në nivelet lokale dhe federale kanë mbetur të hutuar nga raportet për shfaqjet misterioze të dronëve, që u panë në shtetet veriore të SHBA-së, si New Jersey, New Jork, Pensylvania dhe Connecticut që nga nëntori.

Banorët e shteteve si Ohio, Florida, Massachusetts dhe Kaliforni gjithashtu raportuan se panë dronë duke fluturuar, duke ngritur shqetësime për kërcënime të mundshme për sigurinë.

Zyrtarët federalë, si ish-Sekretari i Sigurisë Kombëtare, Alejandro Mayorkas, kishin kërkuar disa herë shpjegime që të qetësonin opinionin, duke pohuar se nuk kishte asnjë provë për përfshirjen e huajve apo qëllime të këqija pas shfaqjes së dronëve.

Megjithatë, teoritë e konspiracionit kishin përfshirë shumë individë online, përfshirë ligjvënësit.

Administrata Federale e Aviacionit (FAA) e ndaloi përkohësisht fluturimin e dronëve në disa zona të New Jersey nga dhjetori deri në mesin e janarit.

New Yorku gjithashtu ndaloi përkohësisht fluturimin e dronëve mbi disa “vende kritike infrastrukturore” të shtetit.

Zonat ku nuk mund të fluturonin dronët përfshinin Far Rockaway, Brooklyn dhe dy komuna në Long Island, Ridge dhe Garden City, sipas FAA.

Ish-këshilltari i Komunikimeve të Sigurisë Kombëtare të Shtëpisë së Bardhë, John Kirby, tha se shumë nga këta dronë operonin ligjërisht.

Megjithatë, ai tha se Departamenti i Sigurisë Kombëtare po “hetonte këto shfaqje dhe po punonin ngushtë me organet e rendit shtetërore dhe lokale për të siguruar burime”. /Telegrafi/