Real Madridi rivalizon Barcelonën për transferimin e sensacionit spanjoll të Benficas

Real Madridi pritet që t’i vlerësojë opsionet e tyre në fazën defanzive gjatë verës dhe ekziston mundësia që mund të ketë blerje për të përforcuar tri pozita. 

Trent Alexander-Arnold është objektiv për krahun e djathtë, teksa janë sugjeruar disa emra për qendër të mbrojtjes, ndërsa situata në krahun e majtë mbetet e paqartë momentalisht. 

Për shumë muaj, Real Madridi kishte përcjellë Alphonso Davies, të cilin shprehën dëshirën ta transferojnë falas në fund të sezonit pasi t’i skadojë kontrata me Bayern Munich. 

Sidoqoftë, shanset që kjo të ndodhë duken tejet të vogla, pasi një përditësim i fundit bën me dije se reprezentuesi kanadez do të qëndrojë në Gjermani. 

Për këtë arsye, opsione të tjera do të duhet të konsiderohen nga Real Madridi. Ata janë lidhur fortë me Miguel Gutierrez, të cilin mund ta rikthejnë për vetëm 8 milionë euro, por një tjetër emër në listë është ai i Alvaro Carreras. 

Sipas një raportimi nga Diario AS, Real Madridi është i etur për Carreras, të cilin po ashtu po e kërkojnë edhe Barcelona dhe Manchester United. 

Lexo po ashtu Arabia Saudite po përgatit ‘bombën’ - një transferim nga Real Madridi, një nga Barcelona

Sidoqoftë, raporti tutje shton se Carreras i cili luajti në disfatën që Benfica pësoi me rezultat 5-4 në Ligën e Kampionëve ndaj Barcelonës, nuk po e konsideron largimin nga gjiganti portugez. 

Carreras ka kontratë me Benfican deri në 2029 kështu që nuk do të ishte e lehtë për klubet tjera që ta transferojnë, ani pse u tha se ka një çmim kartoni prej 50 milionë eurosh./Telegrafi/