Xabi Alonso i hapur për të marrë drejtimin e Real Madridit

Trajneri i Bayer Leverkusenit, Xabi Alonso ka thënë fjalët e tij pasi së fundmi është lidhur si pasues i Carlo Ancelottit te Real Madridi.

Alonso ka folur para ndeshjes që skuadra e tij e zhvillon sot (e martë) ndaj Atletico Madridit në kuader të Ligës së Kampionëve, ku është pyetur edhe për stolin e Real Madridit.

“Nuk mund të them asgjë; ne jemi në mes të sezonit dhe të gjitha klubet kanë synime të mëdha”, ka thënë fillimisht Alonso në konferencë shtypi.

Lexo po ashtu Real Madridi konsideron tre trajnerë si zëvendësues të mundshëm të Ancelottit

“Atletico ka, Reali gjithashtu, dhe unë jam i fokusuar në arritjen e tyre. Kjo ndeshje është shumë e rëndësishme për të dyja skuadrat dhe unë jam plotësisht i përqendruar në të”.

“Me kalimin e viteve, koha kalon, por lidhja mbetet, dhe kjo lidhje është e paharrueshme. Është shumë e vlefshme dhe lidhja është shumë e fortë”.

“Ishte një periudhë e shkëlqyer si lojtar. Ishin vite intensive, nuk ishte e lehtë për ne për të arritur atë që donim, por kur e arritëm, ajo u bë e përjetshme”, përfundoi trajneri spanjoll. /Telegrafi/