Carlo Ancelotti godet portierin e Rayo Vallecanos pasi simulonte për ta vonuar ndeshjen

Trajneri i Real Madridit, Carlo Ancelotti, i ka bërë thirrje portierit të Rayo Vallecanos, Augusto Batalla, të marrë më shumë kalium pasi po simulonte kundër Realit.

Lojtarët e Real Madridit barazuan 3:3 në një lojë fenomenale të Rayo Vallecanos dhe kështu humbën shansin për të marrë kryesimin e tabelës së La Ligës, të paktën përkohësisht, dhe Ancelotti kishte diçka për t’i thënë Augusto Batalla-s.

Në fund të lojës, Batalla ishte shtrirë në fushë duke u ankuar për ngërçe dhe Ancelotti ka ironizuar pasi u pyet nëse po simulonte apo kishte vërtet probleme.

“Nuk ishte hera e parë që Batalla ankohej për ngërçe. Ai duhet të marrë më shumë kalium”, tha trajneri i Real Madridit.

¿AUGUSTO BATALLA, EX-SAN LORENZO Y RIVER, HIZO TIEMPO EN EL 3-3 VS. REAL MADRID EN VALLECAS? pic.twitter.com/okbMzmmHmO

— SportsCenter (@SC_ESPN) December 15, 2024

Përveç kësaj, Reali ishte i pakënaqur me gjykimin e ndeshjes nga gjyqtari Juan Martínez Munuera, madje njoftoi në faqen zyrtare se ata ishin dëmtuar nga vendimet e diskutueshme të tij.

Sigurisht që vëmendjen më të madhe e tërhoqi situata në minutën e 76-të, kur Vinicius u rrëzua në zonën e rreptësisë së vendasve, por nuk pati penallti.

Reali ka një pikë më pak në tabelë se Barcelona, ​​që luan sot kundër Leganes, por mbretërorët kanë edhe një ndeshje më pak që nuk kanë luajtur ende kundër Valencias. /Telegrafi/